બનાસકાંઠાના કાંકરેજ તાલુકાના મુખ્ય મથક શિહોરી હાઈવે રોડ પર બાઈક અને ટ્રક વચ્ચે અકસ્માત સર્જાતા એક યુવકનું મોત થયું. પ્રાપ્ત વિગતો અનુસાર કાંકરેજ તાલુકાના મુખ્ય મથક શિહોરી હાઈવે રોડ પર આવી રહેલ એક ટ્રક ચાલકે બાઈકને ટક્કર મારતાં યુવાન ગંભીર રીતે ઇજાગ્રસ્ત થયો હતો ત્યારે લોકોના ટોળા એકઠા થયા હતા. શિહોરી 108 ને તાત્કાલિક ધોરણે જાણ થતાં તાબડતોબ ઘટનાસ્થળે પહોંચીને ઇજાગ્રસ્ત પ્રકાશસિંહ કીતુભા ડાભીને વધુ સારવાર અર્થે પાટણ ખસેડવામાં આવ્યા હતા. જ્યાં સારવાર દમિયાન યુવાનનું મૃત્યુ થયું હતું.
યુવાનનું મોત થતા શિહોરી ગામમાં શોકનો માહોલ છવાયો હતો. શિહોરી પોલીસ દ્વારા તાત્કાલિક ધોરણે ઘટના સ્થળે પહોંચીને વધુ તપાસ હાથ ધરવામાં આવી હતી અને મૃતકને પીએમ માટે શિહોરી હોસ્પિટલમાં લાવી ને વાલી વારસોને સુપરત કરવામાં આવી હતી. ત્યારે પવિત્ર શ્રાવણ માસના રાંધણ છઠ્ઠે અકસ્માત સર્જાતા શિહોરીમા શોક જોવા મળ્યો હતો મૃતક યુવાન પૂર્વ સરપંચ અને પૂર્વ બાંધકામ સમિતિ ચેરમેન શ્રી શાંતુભા ડાભીના ભત્રીજા હોવાનું જાણવા મળ્યું હતું. અવાર નવાર અ વિસ્તારમાં અકસ્માત સર્જાયો છે ત્યારે હવે આ કિસ્સો લાલ બત્તી સમાન બની ગયો છે
બનાસકાંઠા : શિહોર હાઇવે પર અકસ્માતમાં યુવાનનું મોત
