બેંગલુરુમાં પીએસઆઈની ભરતી યોજવામાં આવો હતી. કુલ ૫૪૫ જગ્યાઓ માટે અઅ ભરતી યોજવામાં આવી હતી. ત્યારે આ ભરતીમાં કૌભાંડ સામે આવ્યું છે. જેની તપાસ ચાલી રહી છે. કથીત પીએસઆઈ ભરતી કૌભાંડ મામલે તપાસ ચાલી રહી છે તેની વચ્ચે ઉમેદવારોના એક વર્ગે વડા પ્રધાન નરેન્દ્ર મોદીને તેમના લોહીથી 2 પાનાનો પત્ર લખ્યો છે. અને તેમને ન્યાય મળે તેવી માંગ કરવામાં આવી છે.
આ પત્ર જે સોશિયલ મીડિયા પર ફરી રહ્યો છે તેમાં પણ કેસની સંપૂર્ણ તપાસની માંગ કરવામાં આવી છે. ઉમેદવારોએ તેમના પત્રમાં જો તેમને ન્યાય નહીં મળે તો આતંકવાદી જૂથમાં જોડાવાની ધમકી પણ આપી છે. દરમિયાન, પીએસઆઈ સીઈટી કૌભાંડની તપાસ કરી રહેલા ક્રિમિનલ ઈન્વેસ્ટિગેશન ડિપાર્ટમેન્ટ (સીઆઈડી) ની વિગતો બહાર આવી છે કે કલાબુર્ગીની એક ખાનગી શાળાના શિક્ષકો, જેમને પરીક્ષા માટે નિરીક્ષક તરીકે નિયુક્ત કરવામાં આવ્યા હતા, તેઓને પરીક્ષામાં ઉમેદવારોને છેતરવામાં મદદ કરવા માટે શાળા મેનેજમેન્ટ દ્વારા સૂચના આપવામાં આવી હતી. ગયા અઠવાડિયે, નાયબ પોલીસ અધિક્ષક (DySp) શાંતા કુમાર કે જેઓ અગાઉ પોલીસની ભરતી વિંગ સાથે કામ કરતા હતા તેમને સબ-ઇન્સ્પેક્ટર ભરતી કૌભાંડના સંબંધમાં કસ્ટડીમાં લેવામાં આવ્યા હતા.
ગયા મહિનાની શરૂઆતમાં, કર્ણાટક સરકારે PSI ભરતી કૌભાંડના પરિણામોને રદ કરવાનો નિર્ણય લીધો હતો. સરકારે જણાવ્યું હતું કે 54.289 ઉમેદવારો માટે નવી પરીક્ષા ફરીથી લેવામાં આવશે ભરતી કૌભાંડ કેવી રીતે પ્રકાશમાં આવ્યું? કલબુર્ગી જિલ્લામાં ભરતી કૌભાંડ પ્રકાશમાં આવ્યું જ્યારે એક ઉમેદવારને 100 ટકા માર્ક્સ આપવામાં આવ્યા હતા, જોકે તેણે એક પ્રશ્નપત્રમાં માત્ર 21 પ્રશ્નોનો પ્રયાસ કર્યો હતો. અત્યાર સુધીમાં અફઝલપુરના ધારાસભ્યના ગનમેન સહિત 55 લોકોની ધરપકડ કરવામાં આવી છે જેમાં 54,000 થી વધુ ઉમેદવારોએ 545 પોસ્ટ માટે પરીક્ષા આપી હતી પોલીસ સૂત્રોએ જણાવ્યું હતું કે પ્રારંભિક તપાસમાં જાણવા મળ્યું છે કે ઉમેદવારો પાસેથી 75 લાખથી 80 લાખ રૂપિયા સુધીની લાંચ લેવામાં આવી હતી.
