Connect with us

રેસીપી

મકાઇના રોલની રેસીપી

Published

on

હેલો કેમ છો મિત્રો, સૌને મારા જયશ્રી કૃષ્ણ
આજે આપણે રેસીપીમાં જોઇશું સ્વાદિષ્ટ મકાઇના રોલ

જો આ મકાઇના રોલ ખાલી જોવાથી જ અને નામથી જ સ્વાદિષ્ટ લાગતા હોય તો પછી જયારે આને બનાવીને પીરસવામાં આવે તો એ કેટલા સ્વાદિષ્ટ લાગશે…..
મકાઇના રોલ બધા જ સ્ટાટર્સથી અલગ અને અનોખા છે. કારણ કે તેમાં મકાઇ, કાંદા અને સોયા સોસનું ઓરિએન્ટલ રીતે બનાવવામાં આવેલું પૂરણ બ્રેડમાં ભરવામાં આવે છે અને રોલને બાંધી રાખવા માટે મેંદાના લોટનું મિશ્રણ વાપરવામાં આવે છે

સામગ્રી

12 બ્રેડની સ્લાઇસ

1 કપ અર્ધ કચરેલા મકાઇના દાણા

1 ટેબલસ્પૂન તેલ

1 ટીસ્પૂન સમારેલા ઝીણાં મરચા

1/2 કપ ઝીણા સમારેલા કાંદા

1 ટીસ્પૂન સોયાસોસ

મીંઠુ અને કાળા મરીનો પાવડર

3 ટેબલસ્પૂન મેંદો અને તળવા માટે તેલ

વીપ ક્રીમ જરૂર મુજબ

પીરસવા માટે શેઝવાન સોસ અને ટોમેટો કેચઅપ

રીત

પૂરણ માટે

1 નોનસ્ટીક પેનમાં તેલ ગરમ કરી તેમાં લીલા મરચા અને કાંદા નાખી મધ્યમ તાપે 1 થી 2 મિનિટ સુધી સાતળી લો

મકાઇના દાણા, સોયાસોસ, મીંઠુ અને કાળા મરીનો પાવડર 1 થી 2 મિનીટ સુધી માધ્યમ તાપ પર મિશ્રણ સુકું ના બને ત્યાં સુધી હલાવતા રહો… આ મિશ્રણ ને ઠંડુ પાડવા ડો

૧ બાઉલમાં મેંદા સાથે લગભગ ૫ ટેબલસ્પુન જેટલું પાણી સારી રીતે મિક્સ કરો

બધા બ્રેડની સ્લાઈસની દરેક બાજુઓને કાપી લો

હવે દરેક બ્રેડ ની સ્લાઈસને હલકા હાથે વેલણ વડે વણી લો

બ્રેડની એક તરફ તૈયાર કરેલું પુરણ ભરીને તેને ટાઈટ રોલ કરી લો

રોલની અંતિમ બાજુએ મેંદાના લોટનું મિશ્રણ લગાડી બ્રેડની બાજુને બંધ કરી લો

તમે ઈચ્છો તો તેમાં વીપ ક્રીમ ઉમેરી શકો છો તેના થી રોલનો ટેસ્ટ બમણો થઇ જશે

હવે નોન સ્ટીક માં તેલ ગરમ કરી તેમાં તૈયાર કરેલા રોલ મધ્યમ તાપે ગોલ્ડન કલરના થાય ત્યાં સુધી તળી લો

દરેક રોલના ટુકડા કરી તેને ટોમેટો કેચઅપ સાથે પીરસો…..

તૈયાર થયેલા રોલમાં તમે કોથમીરનું, વટાણાનું, ટામેટાનું, કોબીનું તેમજ વીપ ક્રીમનું ટોપિંગ ઉમેરી શકો છો

આ સાથે તૈયાર છે તમારા મકાઈના રોલ

Continue Reading
Advertisement
Click to comment

Leave a Reply

Your email address will not be published.

રેસીપી

વોલનટ્સ અને ભારતીય મીઠાઇઓનું અભુતપૂર્વ મિશ્રણ

Published

on

By

ઓગસ્ટ મહિનાથી દેશભરમાં તહેવારોની શ્રેણીનો પ્રારંભ થાય છે તથા ગણેશ ચતુર્થી, દશેરા અને દિવાળી સુધી તહેવારોની સીઝન ચાલે છે. ઓગસ્ટ મહિનાથી જ ભારતીય પરિવારોમાં સ્વાદિષ્ટ હલવાથી લઇને બરફી સુધીની મીઠાઇઓથી સુગંધ પ્રસરે છે. તમારી પસંદગીની ભારતીય મીઠાઇમાં વોલનટ્સનું ક્રન્ચ ઉમેરવા અને ઉત્સવને વિશેષ બનાવવા નીચે મૂજબ કેટલીક વાનગીઓ રજૂ કરવામાં આવી છે.

 

કેલિફોર્નિયા વોલનટ બરફી – શેફ સબ્યસાચી ગોરાઇ

સામગ્રીઓ
1 કપ કેલિફોર્નિયા વોલનટ્સ
1/4 દૂધ
250 ગ્રામ ખોયા અથવા માવા
1/4 ખાંડ
1 ચમચી ઘી/ક્લેરિફાઇડ બટર + ગ્રિસિંગ માટે થોડું વધારે
અડધી ચમચી એલચી પાઉડર

તૈયારીઃ
1. બાઉલમાં અડધો કપ કેલિફોર્નિયા વોલટન્સ લો
2. તેમાં 1/4 કપ દૂધ ઉમેરો અને એક કલાક માટે મૂકી રાખો. ત્યારબાદ યોગ્ય પ્રકારે મિશ્રિત કરીને પૂરી બનાવો
3. પેનમાં એક ચમચી ઘી ગરમ કરો અને તેમાં બાકીના વોલનટ્સ ઉમેરો. ગોલ્ડન રંગ થાય ત્યાં સુધી ગરમ કરો અને ત્યારબાદ બાજૂમાં મૂકો
4. હવે ઘીમાં ખોયા અને ખાંડ નાખીને યોગ્ય રીતે મિશ્રિત કરો. તેમાં વોલનટ પૂરી ઉમેરો અને ફરીથી મિશ્રિત કરો
5. તે જાડું થઇ જાય ત્યાં સુધી ગરમ કરો અને બાજૂમાં મૂકો
6. ત્યારબાદ એલચી પાઉડર અને ફ્રાય વોલનટ્સ ઉમેરીને મિશ્રિત કરો
7. તેને ગ્રિસ કરેલી પ્લેટ ઉપર પાથરો અને થોડાં કલાક માટે મૂકી રાખો
8. તેના ટુકડા કરો અને કેલિફોર્નિયા વોલનટ્સ સાથે ગાર્નિશ કરો

 

કેલિફોર્નિયા વોલનટ રસમલાઇ – શેફ વરૂણ ઇનામદાર

સામગ્રીઓ
છેના માટે
8 કપ ફુલ ક્રીમ મિલ્ક
1/4 લીબુંનું જ્યુસ
1/4 કપ પાણી
કેલિફોર્નિયા વોલનટ મિલ્ક સિરપ માટે
21/2 કપ કેલિફોર્નિયા વોલનટ મિલ્ક
3 ચમચી મિલ્ક પાઉડર
1/3 કપ ખાંડ
સાધારણ યલો ફુડ ગ્રેડ કલર
ગાર્નિશ
1/8 ચમચી કેસર
1/2 ચમચી એલચી પાઉડર
1 ચમચી વોલનટ ફ્લેક્સ
થોડાં કેલિફોર્નિયા વોલનટ્સ, ટુકડા
સુગર સિરપ માટે
3 ચમચી પાણી
1 કપ ખાંડ

તૈયારી માટે
1. હેવી બોટમ પેનમાં દૂધ ગરમ કરો
2. જ્યારે ગરમ થઇ જાય ત્યારે તેમાં વિનેગર અને પાણી સાથે ઉમેરો. મિશ્રિત કરો અને ફ્લેમ બંધ કરો
3. મલમલના કાપડનો ઉપયોગ કરીને દૂધને ગાળી લો અને નળના પાણીમાં મિલ્ક સોલિડને ધોવો. ઠંડુ પડવા બાજૂમાં રાખો
4. તમારી હથેળી દ્વારા 15 મીનીટ માટે વોશ કરેલા દહીં ચળકાટ ધરાવતું અને સ્મૂધ થાય ત્યાં સુધી મસાજ કરો
5. રોલ કરો અને ફ્લેટ કરો
સિરપ માટે
6. ઉંડા વાસણમાં ખાંડ અને પાણીને એક સાથે ગરમ કરો અને બોઇલ થવા દો
7. છેન્ના બોલને તેમાં નાખો. લીડને આવરી લો અને 15 મીનીટ માટે બોઇલ થવા દો
8. ફ્લેમ બંધ કરો તથા સિરપ અને છેન્નાને રૂમના તાપમાન મૂજબ ઠંડુ પડવા દો

કેલિફોર્નિયા વોલનટ મિલ્ક સિરપ માટે
એક ઉંડા વાસણમાં કેલિફોર્નિયા વોલનટ મિલ્ક ઉમેરો અને બોઇલ કરો. તેમાં ખાંડ, પીળો રંગ અને મિલ્ક પાઉડર ઉમેરો. એકવાર ખાંડ પીગળી જાય એટલે ફ્લેમ બંધ કરો
એસેમ્બલી
બોલ્સને દબાવો અને તેમાંથી સિરપ બહાર કાઢી લો. તેને ફ્લેવર્ડ કેલિફોર્નિયા વોલનટ મિલ્કમાં રાખો. કેસર, પિસ્તા ફ્લેક્સ અને કેલિફોર્નિયા વોલનટ્સના ટુકડા સાથે ગાર્નિશ કરો. ઠંડુ કરીને પીરસો.

ઓલ્ડ બોમ્બે નાનખટાઇ – શેફ વરૂણ ઇનામદાર

સામગ્રીઓ
અડધો કપ ઘી
અડધો કપ દળેલી ખાંડ
3/4 કપ રિફાઇન્ડ લોટ
1/4 કપ કેલિફોર્નિયા વોલનટ પાઉડર
થોડું મીઠું
1 ચમચી સોજી
1/4 બેકિંગ સોડા
અડધો કપ એલચી પાઉડર
ગ્લેઝિંગ
2 ચમચી દૂધ
1 ચમચી દળેલી ખાંડ
તૈયારી
1. મિક્સિંગ બાઉલમાં ઘી અને દળેલી ખાંડ મિશ્રિત કરો, સોફ્ટ, વ્હાઇટ, ફ્લરી અને ક્રિમી થાય તે માટે 10 મીનીટ સુધી હલાવો
2. રિફાઇન્ડ લોટ, વોલનટ પાઉડર, મીઠું, સોજી, બેકિંગ સોડા અને એલચી પાઉડર ઉમેરો
3. યોગ્ય રીતે મિશ્રિત કરો અને તમારા હાથથી લોટનો ગઠ્ઠો બનાવો.
4. 1 સેમી જાડી બેકિંગ શીટમાં રોલ કરો. તેને બેકિંગ ટ્રેમાં મૂકો
5. મોટા લંબચોરસ ટુકડા કરો
6. બાઉલમાં દૂધ અને ખાંડ મિશ્રિત કરો અને તેને કાપેલા ટુકડાની ઉપર બ્રશથી એપ્લાય કરો
7. 10 મીનીટ માટે 180 ડિગ્રી સેલ્સિયસ ઉપર ગરમ કરો
8. ટ્રે કાઢો અને કેકને સંપૂર્ણપણે ઠંડી પડવા દો
9. એરટાઇટ કન્ટેનરમાં સ્ટોર કરો

બોહરી મલાઇ ખાજા – શેફ વરૂણ ઇનામદાર

સામગ્રીઓ
કવરિંગ માટે
2 કપ રિફાઇન્ડ લોટ
2 ચમચી ઘી
લેયરિંગ માટે
1 ચમચી રિફાઇન્ડ લોટ
1 ચમચી ઘી
સ્ટફિંગ માટે
1 કપ ખોયા
અડધી ચમચી કેલિફોર્નિયા વોલનટ પાઉડર
1 કપ દળેલી ખાંડ
1 ચમચી લીલી એલચી પાઉડર
1 ચમચી કેસર
ફ્રાય કરવા તેલ

તૈયારી
1. ઓછા તાપમાને 10 મીનીટ માટે ખોયા અને કેલિફોર્નિયા વોલનટ પાઉડરને શેકો
2. ઠંડુ પાડો અને ખાંડ, એલચી પાઉડર ઉમેરીને બાજૂમાં મૂકો
3. રિફાઇન્ડ લોટ અને ઘી સાથે થોડાં પાણીથી લોટ બાંધો. તેના બોલ બનાવો
4. દરેક બોલને 9 ઇંચ ડાયામીટરમાં રોલ કરો. બાંધેલા લોટ ઉપર ઘી અને રિફાઇન્ડ લોટ છાંટો
5. સાધારણ નળાકાર બનાવો, ટ્વિસ્ટ કરો અને 10 મીનીટ માટે ઠંડુ કરો
6. ઠંડા કરેલા સ્પાઇરલ બોલને 4 ઇંચ ડિસ્કમાં રોલ કરો અને તેમાં કૂલ ફિલિંગના સ્કૂપમાં ઉમેરો. બંન્ને છેડાને ભેગા કરો અને ફરીથી બોલમાં રોલ કરો. તેની ઉપર કેસરનું પાણી છાંટીને 15 મીનીટ ઠંડુ કરો
7. નીચા તાપમાને ડીપ ફ્રાય કરો
8. દળેલી ખાંડ સાથે ગાર્નિશ કરો

 

Continue Reading

રેસીપી

ચીઝ દાબેલી

Published

on

By

નાના ભૂલકાઓને ચીઝ વાળી રેસીપી ખાવાની તો મજા પડતી હોય છે તો પછી રેસીપી જો ઘરે જ ઇન્સ્ટન્ટ તેયાર થતી હોય તો મજા જ મજા

મિત્રો તો આજે આપણે જોઇશું ઇન્સ્ટન્ટ ચીઝ દાબેલીની રેસીપી

તો ચાલો જોઇએ દાબેલીનો મસાલો બનાવાની રીત

સામગ્રી –

દાબેલીનો મસાલો બનાવવા માટે

૧/૪ કપ  સૂકા ધાણા,

૧ ચમચી  જીરું

૧ ચમચી  વરીયાળી,

૧ નંગ ઈલાયચી,

૧  ચમચી  કાળા મરી,

૧ ચમચી  લવિંગ,

૨ ચમચી  આમલી,

૧ નંગ  તજ,

૪ ચમચા  સૂકા કોપરાનું છીણ,

૪ ચમચા  લાલ મરચું,

૧ ચમચી  સૂંઠ પાવડર,

૧ ચમચી  મીઠું,

૨ ચમચી  દળેલી ખાંડ,

ચપટી  લીંબુના ફૂલ,

૨ ચમચી  ખાંડ

૩ ચમચા  તેલ,

૨ ચમચી  સૂકા કોપરાનું છીણ

 

સ્ટફિંગ બનાવવા માટે

૩ નંગ  બટાકા (અને જૈન દાબેલી બનાવવા – કાચા કેળાં),

૧/૨ કપ  પાણી,

૧/૪ કપ  તેલ,

૧ ચમચી  લાલ મરચું,

૫ ચમચી  દાબેલીનો મસાલો,

૨ ચમચી  આમલીની ચટણી,

સ્વાદાનુસાર  મીઠું,

જરૂર મુજબ  દાડમનાં દાણા,

મસાલા સીંગ,

કોથમીર,

સેવ,

ગ્રીન ચટણી,

મીઠી ચટણી,

જામ,

બટર,

ચીઝ,

દાબેલીનાં પાઉં.

રીત –

સૌ પ્રથમ આપણે દાબેલીનો મસાલો બનાવીશું જેને એરટાઈટ કન્ટેનરમાં ભરીને ફ્રિજમાં સ્ટોર કરી શકાય છે. તો મસાલો બનાવવા માટે સૌ પ્રથમ એક ફ્રાય પેનમાં સૂકા ધાણા, જીરું, વરિયાળી, મોટી ઈલાયચી, લવિંગ તથા આમલીને ૨ મિનિટ માટે ધીમી આંચે શેકી લો. ત્યારબાદ તેમાં તજનાં ટુકડા કરીને અડધી મિનિટ માટે શેકી ગેસ બંધ કરો. ત્યારબાદ ૪ ચમચા કોપરાનું છીણ ઉમેરી ગેસ ઓન કરીને ૧ મિનિટ માટે ધીમી આંચે શેકો. ગેસ બંધ કરી મિશ્રણ સહેજ ઠંડુ પડે પછી તેને ધીમે ધીમે ગ્રાઈન્ડ કરો. ત્યારબાદ તેમાં કાશ્મીરી લાલ મરચું, સૂંઠ પાવડર, મીઠું, દળેલી ખાંડ ઉમેરી ધીમે-ધીમે ગ્રાઈન્ડ કરો. આ મિશ્રણને એક બાઉલમાં કાઢી તેમાં લીંબુના ફૂલ, ખાંડ, તેલ તથા સૂકા કોપરાનું છીણ ઉમેરી મિક્સ કરો. જો લાંબા સમય સુધી મસાલો સ્ટોર કરવો હોય તો કપાસિયા તેલ/સનફલાવર તેલ ઉમેરવું. સીંગતેલ ઉમેરવાથી જલ્દી ખોરો થઈ જશે. આ રીતે દાબેલીનો મસાલો તૈયાર થશે.

સ્ટફિંગ બનાવવા માટે –

સૌ પ્રથમ બટાકા અથવા કાચા કેળાને કૂકરમાં જરૂર મુજબ પાણી તથા મીઠું ઉમેરી બાફી લો. છાલ ઉતારી માવો તૈયાર કરો. એક બાઉલમાં અડધો કપ પાણી લઈ તેમાં ૫ ચમચી દાબેલીનો મસાલો ઉમેરી તેને પાણીમાં ઓગળો. એક ફ્રાય પેનમાં તેલ ગરમ કરી તેમાં દાબેલી મસાલો અને પાણીનો તૈયાર કરેલો ઘોળ ઉમેરો. ઉકળે પછી તેમાં લાલ મરચું, મીઠું તથા આમલીની ઘટ્ટ ચટણી ઉમેરી મિક્સ કરી થોડીવાર માટે પકાવો પછી ગેસ બંધ કરી, તૈયાર મિશ્રણને થાળીમાં પાથરી દો. તેની પર મસાલા સીંગ, દાડમ તથા કોથમીર ભભરાવો. દાબેલીનાં પાઉંને વચ્ચેથી કાપીને તેમાં બંને બાજુ થોડી થોડી ગ્રીન ચટણી, મીઠી ચટણી લગાવી તેમાં એક ચમચી જેટલું સ્ટફિંગ ભરો પછી તેમાં થોડું જામ લગાવી ફરીથી સ્ટફિંગ ભરી મસાલા સીંગ તથા થોડા દાડમનાં દાણા ભરીને તવા પર બટર મૂકીને બંને બાજુ શેકી લો. તૈયાર દાબેલી પર સેવનું અને કોથમીરનું ગાર્નિશિંગ કરો અને તમેં ઈચ્છો તો દાડમ તેમજ સિંગનું પણ ગાર્નિશિંગ કરી શકો છો , અને ઉપરથી ચીઝ છીણી સર્વ કરો.

તો તૈયાર છે આપની ચીઝ દાબેલી

 

Continue Reading

રેસીપી

ફરાળી પૂરણપોળી અને બાસુંદીની મોજ

Published

on

By

ગુજરાત અને મહારાષ્ટ્રમાં પૂરણપોળીનું અનેરું મહત્ત્વ છે. જો પૂરણપોળીના પ્રેમ વિશે વાત કરીએ તો બન્ને રાજ્યોમાં એની એકસરખી લોકપ્રિયતા છે. મહારાષ્ટ્રના કોંકણ પ્રદેશમાં લીલા નારિયેળની છીણ નાખેલી પૂરણપોળી ખૂબ જ લોકપ્રિય છે, જ્યારે ઘરમાં શુભ પ્રસંગ હોય ત્યારે પૂરણપોળી બનાવવામાં આવે છે. ઘણા પરિવારમાં તો પૂરણપોળીને ઘીમાં ડુબાડીને પીરસવામાં આવે છે. અમદાવાદમાં અમુક રેસ્ટોરાં ખૂલી છે જે માત્ર મહારાષ્ટ્રીયન વાનગીઓ પીરસે છે એ રોસ્ટેરાંના મેનુમાં પણ પૂરણપોળીને એક અલગ ડિશ તરીકે સર્વ કરવામાં આવે છે. પૂરણપોળી આમ તો એકલી જ ખાવાની મજા આવે, પણ જો એની સાથે બાસુંદી હોય તો સોને પે સુહાગા જેવી વાત થઈ જાય છે.

ફરાળી પૂરણપોળી કે જે બટાટાના માવામાંથી તૈયાર થાય છે એની રેસિપી આપને જણાવીશુ. જોકે, પૂરણપોળી ખાવાની મજા ત્યારે જ આવે જ્યારે તેની સાથે બાસુંદી પણ હોય. ઘરની બાસુંદી હોય તો બે-ત્રણ વાટકા પી જવામાં પણ વાંધો નહીં. તો ચાલો જોઈએ ફરાળી પૂરણપોળી અને બાસુંદીની રેસિપી…

સામગ્રી
એક લીટર દૂધ (ફુલ ક્રીમ)
૬-૮ સમારેલા પિસ્તા
૬-૮ સમારેલી બદામ
એક ચપટી કેસર
૧ નાની ચમચી એલચી પાઉડર
૧ નાની ચમચી જાયફળ પાઉડર
ખાંડ (સ્વાદ અનુસાર)

રીત
તપેલી અથવા કઢાઈમાં દૂધ ગરમ કરવા મુકો. જ્યારે દૂધમાં ઊભરો આવે એટલે ગૅસ ધીમો કરી દો. હવે ધીમા તાપ પર દૂધને એના કરતાં અડધું થઈ જાય ત્યાં સુધી થવા દો અને વચ્ચે-વચ્ચે હલાવતા રહો જેથી વાસણમાં નીચે ચોંટે નહીં. હવે દૂધમાં ખાંડ, જાયફળ પાઉડર અને એલચી પાઉડર નાખીને મિક્સ કરો અને વધુ ૫ મિનિટ ઉકળવા દો. ખાંડ ઓગળી જાય પછી તમે બે ચમચી મલાઈ અથવા ક્રીમ પણ ઉમેરી શકો છો. હવે આમાં બદામ, પિસ્તા અને કેસર નાખીને મિક્સ કરો અને ગૅસ બંધી કરી દો. સ્વાદિષ્ટ બાસુંદી તૈયાર છે. બાસુંદી ઠંડી કરીને ખાવામાં મજા આવે છે. બાસુંદીને ફરાળી પૂરણપોળી સાથે સર્વ કરો!

ફરાળી પૂરણપોળી

સામગ્રી
બાફેલા બટાટા – 400 ગ્રામ (છૂંદી નાખવા)
ચોખ્ખું ઘી – 250 ગ્રામ
રાજગરાનો લોટ – 400 ગ્રામ
ખાંડ – સ્વાદ મુજબ
૨ ચમચી કાજુ
૪/૫ એલચી વાટેલી
૨ ચમચી બદામની કતરણ

રીત
બટાટા બાફીને એને છુંદીને માવો બનાવવો. બટાટાને હથેળીના ભારથી બરાબર છૂંદીને લીસા બનાવી દેવા અને એની અંદર કોઈ ગઠ્ઠા ન રહી જાય એનું ધ્યાન રાખવું. એક વાસણમાં ઘી ગરમ કરીને એમાં બટાટાનો માવો નાખીને ૧૦ મિનિટ સુધી મધ્યમ તાપે સોતે કરવું. બરાબર ગરમ થઈ વરાળ નીકળવા લાગે એટલે એમાં ખાંડ, એલચી, કાજુ તથા બદામ ઉમેરી મિક્સ કરવું. આ પૂરણને બાજુમાં ઠરવા માટે મૂકી દેવું.
ઉપરનું પડ બનાવવા માટે રાજગરાના લોટમાં એક ચમચી તેલ નાખી સરસ પોચો અને મુલાયમ લોટ બાંધવો. જરૂર પ્રમાણે પાણી રેડવું. લોટ ઢીલો ન થઈ જાય એનું ધ્યાન રાખવું, નહીં તો તૂટી જશે. હવે સરખા ૪ ગોળા વાળી લેવા. રાજગરાના લોટની રોટલી વણવી. જો લોટ તૂટી જતો હોય એમ લાગે તો અંદર શિંગોડાનો લોટ ઉમેરી દેવો. બટાટાના પૂરણનો ગોળો વાળી લેવો અને એ ગોળો લઈ રોટલીની વચ્ચે મૂકી બધી બાજુથી સરખી બંધ કરી ફરીથી લોટ ભભરાવી રોટલી વણવી.
હવે ગૅસ પર લોઢી મૂકી પૂરણપોળી ઘી નાખી બન્ને બાજુથી સરખી શેકવી. આછી બદામી થાય ત્યાં સુધી શેકવી. તૈયાર છે ગરમાગરમ ફરાળી પૂરણપોળી.

Continue Reading
આણંદ1 day ago

ખંભાત બેઠક પર ભાજપ-કોંગ્રેસનો પ્રચાર, લગાવી રહ્યા છે એડીચોંટીનું જોર

આણંદ1 day ago

આણંદમાં ચૂંટણી નિરિક્ષકોએ મતગણતરી કેન્દ્રોની મુલાકાત લીધી

આણંદ1 day ago

આણંદ જિલ્લામાં અધિકારીઓએ ઉત્સાહપૂર્વક પોસ્ટલ બેલેટથી મતદાન કર્યુ

નર્મદા1 day ago

રાજપીપળામાં ચૂંટણીને લઈ અધિકારીઓએ આંતરરાજ્ય ચેક પોસ્ટની વિઝીટ કરી સમીક્ષા કરી

નર્મદા1 day ago

ભાજપમાંથી છેડો ફાડી નાંદોદ બેઠક ઉપર અપક્ષ ઉમેદવારી કરનાર હર્ષદ વસાવાની જંગી સભા

નર્મદા1 day ago

ડેડીયાપાડામાં રવિન્દ્ર જાડેજાનો રોડ શો, ભાજપના ઉમેદવાર માટે કર્યો પ્રચાર

પંચમહાલ1 day ago

પંચમહાલ જિલ્લામાં યુથ આઈકોન તરીકે RJ નયનની નિમણૂક કરાઈ

પંચમહાલ1 day ago

ફતેસિંહ ચૌહાણ પ્રચાર દરમિયાન ભજન કાર્યક્રમમાં તાલબદ્ધ રીતે ઢોલ વગાડતા નજરે પડ્યા

ગુજરાત4 weeks ago

પ્રતિક ગાંધી અને દીક્ષા જોશી પર ફિલ્માવાયેલ રોમેન્ટિક ટ્રેક ‘ચોરી લઉ’ થકી પ્રેક્ષકોને આકર્ષિત કર્યા બાદ, ‘વ્હાલમ જાઓ ને’નું આગામી ગીત – ‘મુરતીયો મૂડમાં નથી’ હવે રીલિઝ થઇ ચૂક્યુ છે.

Indian tech CEO offers jobs to thousands of employees fired by Twitter, Meta, Spotify! Said: 'Come back home'
ઇન્ડિયા3 weeks ago

ભારતીય ટેક સીઇઓ ટ્વિટર, મેટા, સ્પોટાઇફ દ્વારા કાઢી મૂકવામાં આવેલા હજારો કર્મચારીઓને નોકરીની ઓફર કરી! કહ્યું: ‘ઘરે પાછા આવો’

વર્લ્ડ3 weeks ago

Global Carbon Budget 2022: વિશ્વનો વિનાશ ફક્ત 9 વર્ષ દૂર છે! વૈજ્ઞાનિકોના રિપોર્ટ અનુસાર

ગુજરાત4 weeks ago

ક્રેડિટ કાર્ડ પર આધારિત કોમેડી ફિલ્મ ‘ભગવાન બચાવે’નું ફર્સ્ટ લૂક પોસ્ટર રીલિઝ કરાયું

આણંદ2 weeks ago

આણંદ: નિરંજન પટેલને ટિકિટ ન મળતા કૉંગ્રેસ છોડી

નર્મદા2 weeks ago

નાંદોદ અને ડેડિયાપાડામાં AAPના 3000થી વધુ કાર્યકર્તા ભાજપમાં જોડાયા

આણંદ2 weeks ago

આણંદમાં ત્રણ બેઠક પર ઉમેદવાર રિપિટ, ત્રણ નવા ચહેરાને તક અપાઇ

Gujarat Assembly Elections 20224 weeks ago

Gujrat Election 2022: ગુજરાત વિધાનસભાની ચૂંટણી જાહેર, આ મતદાતા ઘરેથી કરી શકશે વોટિંગ

Trending