કૃતિ ખરબંદા હાલમાં રિલીઝ થયેલી પોતાની ફિલ્મ હાઉસફુલ 4ની સફળતાને એન્જોય કરી રહી છે. આ સાથે તે તેની આગામી ફિલ્મ પાગલપંતીના પ્રમોશનમાં પણ બિઝી છે. આ સિવાય એક્ટ્રેસને અમિતાભ બચ્ચન અને ઈમરાન હાશમીની ફિલ્મ ચેહરે માટે પણ કાસ્ટ કરવામાં આવી હતી પરંતુ કેટલાક રિપોર્ટ્સ પ્રમાણે તેને આ ફિલ્મમાંથી બહાર કાઢી મૂકાઈ છે.આ ફિલ્મના શૂટિંગ દરમિયાન કૃતિ વધારે નખરા કરી રહી હતી અને તેની ટીમે તેની ડેટ્સની સાથે પણ અવ્યવસ્તા કરી નાખી હતી જેના કારણે તેને ફિલ્મ બહારનો રસ્તો દેખાડી દેવાયો.
રિપોર્ટ્સમાં તેમ પણ કહેવામાં આવી રહ્યું છે કે ફિલ્મમેકર્સે કૃતિની ઘણી ડિમાન્ડ માની લીધી હતી પરંતુ ફાઈનલી તેની સાથે કામ કરવાનું શક્ય થયું નહીં.તેવું પણ કહેવાય રહ્યું છે કે કેટલાક મુદ્દાઓ પર કૃતિ અને ફિલ્મના ડાયરેક્ટર રૂમી જાફરી વચ્ચે વિવાદ વધી ગયો હતો. જે બાદ પ્રોડ્યૂસરે ફિલ્મમાંથી એક્ટ્રેસને કાઢવાનો નિર્ણય લીધો. હવે ફિલ્મની ટીમ નવી હીરોઈનની શોધમાં છે.કૃતિએ ફિલ્મના પહેલા શેડ્યૂસનું શૂટિંગ પણ કરી લીધું હતું પરંતુ હવે નવી હીરોઈન સાથે આ પાર્ટનું ફરીથી શૂટિંગ કરવામાં આવશે. આ ફિલ્મ 2020માં રિલીઝ થશે.
