નેશનલ સેન્ટર ફોર ધ પર્ફોર્મિંગ આર્ટ્સ (એનપીસીએ)એ ભારતમાં કલા અને સંસ્કૃતિના વિકાસને પ્રોત્સાહન માટેની વિવિધ પહેલો માટે કામ કર્યું છે. વર્ષ 2009થી સિટી સાથેની ભાગીદારીમાં એનસીપીએ હિંદુસ્તાની સંગીત (વોકલ અને ઇન્સ્ટ્રુમેન્ટલ) ક્ષેત્રે આધુનિક તાલીમ ઇચ્છતા પ્રતિભાશાળી યુવા વિદ્યાર્થીઓને શિષ્યવૃત્તિ આપી રહ્યું છે.

આ વર્ષે સિટી-એનસીપીએ શિષ્યવૃત્તિ વોકલ – ખયાલ/દ્રુપદ અને પર્કશન્સ – તબલા/પખાવજ માટે આપવામાં આવી રહી છે. પ્રવેશ 18થી35 વર્ષના વયજૂથ સુધી મર્યાદિત છે અને 15મી જાન્યુઆરી, 2021 સુધી અરજીઓ સ્વિકારવામાં આવશે. “આ પ્રયાસ સાથે અમે યુવા પેઢીને સંગીતક્ષેત્રે મદદરૂપ બનવાની આશા રાખીએ છીએ. અમે દેશભરમાંથી મોટી સંખ્યામાં અરજીઓની અપેક્ષા રાખીએ છીએ,” તેમ આ શિષ્યવૃત્તિ કાર્યક્રમ ઉપર પ્રતિક્રિયા આપતાં એનસીપીએ, ઇન્ડિયન મ્યુઝિક, હેડ-પ્રોગ્રામિંગ ડો. સુવર્ણલતા રાવે કહ્યું હતું.

યોગ્યતાના માપદંડો અને સામાન્ય સૂચનાઓઃ
• આ શિષ્યવૃત્તિ માટે ઉમેદવારનો બાયો-ડેટા તેમની અરજી તરીકે ગણાશે. અલગથી કોઇ ફોર્મ ભરવાનું રહેશે નહીં.
• વય મર્યાદાઃ
ખયાલ/ પર્કશન્સ માટે – 18થી30 વર્ષની ઉંમર (1 માર્ચ 2021 મૂજબ)
દ્રુપદ માટે – 18થી35 વર્ષની ઉંમર (1 માર્ચ, 2021 મૂજબ)
• એપ્રિલ 2021થી માર્ચ 2022 દરમિયાન સંગીતના ક્ષેત્રે અન્ય શિષ્યવૃત્તિ/ગ્રાન્ટના લાભાર્થી ઉમેદવારો અરજી કરી શકશે નહીં.
• કોઇપણ કંપનીમાં ફુલ-ટાઇમ/પાર્ટ-ટાઇમ વર્કિંગ પ્રોફેશ્નલ્સ અરજી કરી શકશે નહીં.
• ઓલ ઇન્ડિયા રેડિયો તરફથી ‘એ’ ગ્રેડ સહિતના પ્રોફેશ્નલ મ્યુઝિશિયન્સ અરજી કરી શકશે નહીં.
• કુરિયર દ્વારા મોકલાયેલી હાર્ડ કોપીમાં અરજીઓ સ્વિકારાશે નહીં. અહીં આપેલાં ઇમેઇલ આઇડી ઉપર પ્રાપ્ત અરજીઓને જ ધ્યાનમાં લેવાશે.
• માત્ર ભારતના નાગરિકો જ અરજી કરી શકે છે.
• 15 જાન્યુઆરી 2021 પછી પ્રાપ્ત અરજીઓ સ્વિકારાશે નહીં.
• એનસીપીએ સિલેક્શન કમીટીનો નિર્ણય આખરી રહેશે.

સિટી-એનસીપીએ પર્ફોર્મિંગ આર્ટ્સ શિષ્યવૃત્તિ માટે કેવી રીતે અરજી કરશો
અરજી કરવા માટે ઉમેદવારો તેમની અરજી (સંગીત શિક્ષણ અંગેનો બાયો-ડેટા) 15 જાન્યુઆરી 2021 સુધીમાં [email protected] ઉપર ઇમેઇલ કરવાનો રહેશે.

શોર્ટલિસ્ટ કરેલા ઉમેદવારોનું ઓડિશન ફેબ્રુઆરી 2021માં ઓનલાઇન અથવા મુંબઇમાં એનસીપીએ પરિસરમાં યોજાશે, જે મ્યુનિસિપલ કોર્પોરેશન ઓફ ગ્રેટર મુંબઇ (બીએમસી) દ્વારા જાહેર કરાયેલા સ્ટાન્ડર્ડ ઓપરેટિંગ પ્રોસિજર ઉપર નિર્ભર રહેશે.

આપણે સૌ તો આપણાં પરિવાર સાથે દિવાળી અને નવા વર્ષની ઉજવણી એક બીજાને મોહ મીઠું કરાવીને કરતાજ હોઈએ છીએ સાથે જ હાલની કોરોના વાઈરસ રૂપી મહામારીમાં પણ ખૂબ જ કાળજી લઈ રહ્યાં છીએ પરંતુ જે લોકો રોડ ઉપર કે સ્લમ વિસ્તારમાં રહે છે તેનું શું ? તેઓ તો માંડ માંડ પોતાનું ગુજરાન ચલાવતા હોય છે.

ત્યારે આવા પરિવારો દિવાળી અને નવા વર્ષની એક બીજાને મોંહ મીઠું કરાવીને ઉજવણી કરી શકે અને કોરોના રૂપી મહામારીથી બચીને એકબીજાને ખુશી આપી શકે તે માટે રોટરી અને રોટરેક્ટ કલ્બ ઓફ અમદાવાદ ગ્રેટર દ્વારા “દિલ સે દિવાલી”ની થીમ પર સલ્મ વિસ્તાર અને ગરીબો સાથે મનાવવામાં આવી હતી. સાથો સાથ આ દિવસે બાળ દિવસ હોઈ તેની પણ સ્લમ વિસ્તારનાં બાળકો સાથે ઉજવણી કરી હતી.

જેમાં રોટરેક્ટ ક્લબના સભ્યો દ્વારા સીટીનાં વાડજ, ન્યુ રાણીપ અને ઘાટલોડિયાના સ્લમ વિસ્તારનાં ૯૦ ઘરોમાં સોનપાપડી, દિવા, માસ્ક, સેનેટાઝરની બોટલ, જયારે બાળકોને ચોકલેટ અને કેકનું વિતરણ કર્યુ હતું.

સાથે સાથે સ્લમ વિસ્તારમાં કોરોનાથી બચવા કેવી કેવી તકેદારી રાખવી જોઈએ તે અંગે પણ જણાવવામાં આવ્યું હતું.

રોટરી અને રોટરેકટ કલ્બ ઓફ અમદાવાદ ગરરેટર દ્વારા યોજાયેલ “દિલ સે દિવાલી” કાર્યક્રમમાં ક્લબ ના સભ્યો જોડાઈને કાર્યક્રમને સફળ બનાવ્યો હતો.

વીઓ – યોગ શબ્દના બે અર્થ થાય છે અને બંને મહત્વપૂર્ણ છે. પહેલો જોડ અને બીજો સમાધિ. જ્યાં સુધી આપણે પોતાની સાથે નથી જોડાતા, ત્યાં સુધી સમાધિ નજીક પહોંચવું મુશ્કેલ છે. યોગ દર્શન કે ધર્મ નથી, ગણિતથી થોડું વધુ અને ધર્મ, આસ્થા, તેમજ અંધવિશ્વાસથી ઉપર એક પ્રાયોગિક વિજ્ઞાન છે. ભારતમાં યોગને આશરે 5,000 હજાર વર્ષ જૂની માનસિક, ભૌતિક અને આધ્યાત્મિક પ્રણાલી તરીકે જોવામાં આવે છે.

યોગની ઉત્પત્તિ પ્રાચીન સમયમાં ભારતમાં થઈ હતી. જ્યારે લોકો તેમના શરીર અને મનમાં પરિવર્તન માટે ધ્યાન કરતા હતા. સંયુક્ત રાષ્ટ્રસંઘની સામાન્ય વિધાનસભામાં યોગની વિશેષ તારીખ અને યોગ દિવસની ઉજવણી ભારતના વડાપ્રધાન નરેન્દ્ર મોદી દ્વારા શરૂ કરવામાં આવી હતી. હાલ ભારતના વિવિધ ભાગોમાં યુવાધન યોગને વધુમાં વધુ પોતાની જીવનશૈલીમાં લાવી રહ્યા છે. ત્યારે આજે આપણે વાત કરીશું યોગ ક્ષેત્રે ઝળહળતી સિદ્ધિ હાંસલ કરનાર આણંદ જિલ્લાના પેટલાદ તાલુકાની રહેવાસી જલ્પા કાછીયાની.

જલ્પાના પિતા નથી, જ્યારે તેમની માતા ગૃહિણી છે. તેમ છતાં તેમણે દ્રઢ મનોબળ સાથે યોગ ક્ષેત્રે ગુજરાતનું ગૌરવ વધાર્યુ છે. તો તેમની બહેન જીમીષા પણ યોગ ક્ષેત્રમાં યોગદાન આપી રહી છે. ગોલ્ડન ગર્લ તરીકે જાણીતી જલ્પા કાછીયાએ વર્ષ 2005માં યોગા કરવાની શરુઆત કરી.

યોગ ક્ષેત્રે પોતાની રુચિ હોવાના કારણે તેમણે 2009માં પ્રથમ વખત રાષ્ટ્રીય સ્તરની સ્પર્ધામાં દિલ્હી ખાતે ભાગ લીધો. બાદમાં 2012માં પોર્ટુગલમાં પહેલી ચેરીટી ઈવેન્ટમાં ભાગ લીધો. ત્યારબાદ તેમણે એક બાદ એક નવા આયામો સર કરવાની શરુઆત કરી. વર્ષ 2014માં તેમણે તાઈવાન ઈન્ટરનેશનલ ચેમ્પિયનમાં ભાગ લીધો.

આણંદ જિલ્લામાં નહી પરંતુ રાષ્ટ્રીય અને આંતરરાષ્ટ્રીય ક્ષેત્રે યોગાની વિવિધ સ્પર્ધાઓમાં ભાગ લઈને 19 ગોલ્ડ મેડલ, 17 સિલ્વર મેડલ અને 8 બ્રોન્ઝ મેડલ મેળવનાર ચરોતરની ગોલ્ડન ગર્લ કહેવાતી જલ્પા કાછીયા હાલમાં આણંદના કરમસદ ખાતે વૃદ્ધાશ્રમમાં નિ:શુલ્ક યોગ શીખવી રહી છે.

જલ્પા કાછીયાએ વિશ્વ યોગ દિવસ 2020ના દિવસે આણંદના સાંસદ મિતેશભાઈ પટેલના ઘરે જઈ તેમના પરિવારના સભ્યોને યોગની ટ્રેનિંગ આપી હતી. આ ઉપરાંત આણંદના 3 તાલુકાના પોલીસ ઓફિસર, તેમજ પોલીસ સ્ટાફને વર્ષ 2013માં પેટલાદ ખાતે યોગની ટ્રેનિંગ આપી હતી.

યોગ ક્ષેત્રે જલ્પા કાછીયાએ હાંસલ કરેલી સિદ્ધિ

વર્ષ 2009માં પ્રથમવાર રાષ્ટ્રીય સ્તરની સ્પર્ધામાં દિલ્હી ખાતે ભાગ લીધો

વર્ષ 2010થી શરુ થયેલ ખેલમહાકુંભમાં યોગ ક્ષેત્રે ગોલ્ડ મેડલ પ્રાપ્ત કર્યો

2012માં પ્રથમ વખત યુરોપની ઈવેન્ટમાં ભાગ લીધો

2014માં તાઈવાન ઈન્ટરનેશનલ યોગ સ્પર્ધામાં ભાગ લીધો

2015માં થાઈલેન્ડમાં એશિયન ચેમ્પિયનશીપમાં 3 ગોલ્ડ મેડલ પ્રાપ્ત કર્યો

2017માં ફ્રાંસમાં, 2018માં દુબઈમાં યોગ ક્ષેત્રે પોતાની કલા પ્રદર્શિત કરી મેડલ મેળવ્યા

આ ઉપરાંત 2017માં સતત પાંચ કલાક સુધી એક જ જગ્યાએ સતત 5 કલાક ભુમાસનમાં રહી ઈન્ડિયા બુક રેકોર્ડમાં સ્થાન મેળવ્યુ