હળવદ જૂની મામલતદાર ઓફિસમાં વર્ષ 2006ની સાલમાં દારૂની મહેફિલ માણી રહેલા નાયબ મામલતદાર, ક્લાર્ક તેમજ અન્ય મળી કુલ છ ઈસમો જનતા રેડમાં પકડાઈ જતા તમામ સામે હળવદ પોલીસ સ્ટેશનમાં પ્રોહીબીશન અંગેનો ગુનો દાખલ થયો હતો. જેમાં અગાઉ એક ક્લાર્ક અને તત્કાલીન નાયબ મામલતદાર અને નિવૃત ડે. કલેકટરને સજા પડ્યા બાદ કોર્ટે વધુ એક નાયબ મામલતદારને 3 મહિનાની સજા ફટકારી છે. જનતા રેડ પડી હતીવર્ષ 2006માં હળવદ મામલતદાર કચેરીમાં ફરજ બજાવતા નાયબ મામલતદાર વાલજી સુરમા ખાંટ, કલાર્ક કિશન ભવાનભાઈ પાટડીયા, નાયબ મામલતદાર ધીરુ હરજીભાઈ સોનાગ્રા અને અન્ય ત્રણ ઈસમો કચેરીમાં દારૂની મહેફિલ માંડી હોવાની જાણ થતાં જનતા રેડ પડી હતી.

જેને પગલે પોલીસે તમામ આરોપીઓ વિરુદ્ધ કેસ દાખલ કર્યો હતો. જેમાં અગાઉ બે આરોપીઓને નામદાર હળવદ કોર્ટ દ્વારા સજા ફટકારવામાં આવી હતી.વધુમાં આ કેસમાં આરોપી નાયબ મામલતદાર ધીરુ હરજીભાઈ સોનગ્રા કોર્ટ સમક્ષ હાજર થતા હળવદના મહે.જ્યુડી.મેજી.ફ.ક. ડો. લક્ષ્મી નંદવાણા 8 મૌખિક તથા 9 દસ્તાવેજી પુરાવાઓને તથા સરકારી વકીલ એ.પી.માલવણિયાની ધારદાર દલીલોને ધ્યાને લઇને તહોમતદાર નાયબ મામલતદાર ધીરુ હરજીભાઈ સોનાગ્રાને ત્રણ માસની સાદી કેદની સજા અને બે હજાર રૂપિયાનો દંડ ફટકાર્યો હતો. આ ઉપરાંત અન્ય સાથી તહોમતદાર વી.એસ.ખાંટ તથા કે.બી.પાટડીયાને પણ કોર્ટ દ્વારા સજા ફટકારવામાં આવી હતી.

હળવદ તાલુકામાં છેલ્લા એકાદ મહિનાથી હાહાકાર મચાવી રહેલા તસ્કરો ત્રણેક દિવસનો વિરામ લીધા બાદ ગઈકાલે ગુરૂવારે રાત્રે ફરી મેદાનમાં આવ્યા હતા અને હળવદ તાલુકાના જુના દેવળીયા ગામે એક સાથે ત્રણ મકાનને નિશાન બનાવ્યા હતા. જો કે, બે મકાનમાં તસ્કરોને ફોગટ ફેરો થયો હતો. જ્યારે એક મકાનમાંથી તસ્કરો બાઈક, ચારથી પાંચ હજાર રોકડા અને માતાજીના સ્થાનકમાંથી ચાંદીના ત્રણેક સિક્કા લઈ ગયાનું સામે આવ્યું છે.આ ચોરી અંગેની જાણવા મળતી વિગતો મુજબ હળવદ તાલુકામાં છેલ્લા ત્રણ ચાર દિવસથી ચોરીના બનાવો અટક્યા છે. ત્યારે ગઈકાલે રાત્રે જુના દેવળીયા ગામે હાઈસ્કૂલની બાજુમાં રહેતા ઘનશ્યામભાઈ ત્રિભુવનભાઈ પટેલના ઘરને તસ્કરોએ નિશાન બનાવ્યું હતું. ઘનશ્યામભાઈ ત્રિભુવનભાઈ પટેલ ગરમીને કારણે મકાનના ધાબા ઉપર સુતા હતા.

ત્યારે તસ્કરોએ ઘરમાં હાથફેરો કરી ચારથી પાંચ હજાર રૂપિયા રોકડા, માતાજીના સ્થાનકમાં પૂજામાં રાખેલા ચાંદીના ત્રણ સિક્કા ચોરી જવાની સાથે જતા-જતા બાઈક પણ ચોરી કરી ગયા હતા.વધુમાં હળવદ તાલુકાના જુના દેવળીયા ગામે તસ્કરોએ ઘનશ્યામભાઈ ત્રિભુવનભાઈ પટેલના મકાન ઉપરાંત તેમના આડોશ-પાડોશમાં આવેલા બે મકાનમાં પણ ચોરીનો પ્રયાસ કર્યો હતો. પરંતુ બંન્ને ઘરમાંથી કઈ ન મળતા તસ્કરોને ત્યાંથી ખાલી હાથે જવું પડ્યું હતું. નોંધનીય છે કે, હાલમાં હળવદ તાલુકામાં 200 જેટલા સુરક્ષાકર્મીઓ રાત્રે સઘન પેટ્રોલિંગ કરી રહ્યા છે. તેમ છતાં તસ્કરોએ ત્રણથી ચાર દિવસના વિરામ બાદ વધુ એક ચોરીને અંજામ આપ્યો છે.

મોરબી જિલ્લા પોલીસ વડા દ્વારા દારૂના ધંધાર્થીઓ ઉપર તૂટી પડવા આદેશ અપાતા જિલ્લાના તમામ પોલીસ મથકો દ્વારા દેશી દારૂના ધંધાર્થીઓ ઉપર પોલીસે દરોડા પાડવામાં આવ્યા છે. જ્યાં  મોરબીમાં દેશી દારૂ વેંચતા 4 ઈસમો ઝડપાયા છે.  પ્રથમ કિસ્સામાં મોરબીમાં આરોપી ચનાભાઇ કરશનભાઇ ભુરીયા દલવાડી સર્કલ પાસે પોતાના કબ્જામાં દેશી દારૂ લી.૮ કી. રૂ.૧૬૦/- નો રાખી વેચાણ કરતો મળી આવ્યો હતો.બીજા કિસ્સામાં મોરબીમાં મહિલા આરોપી જયશ્રીબેન પ્રવિણભાઇ વરાણીયા  ત્રાજપર ઓરીએન્ટલ બેંક વાળી શેરીમાં જાહેર રોડ કેફી પ્રવાહિ દેશી પીવાનો દારૂની ૨૫૦ મીલીની કોથળીઓ નંગ-૨૦ દારૂ લીટર-૫ કીં રૂ.૧૦૦/-નો પોતાના કબ્જામા રાખી રેઇડ દરમ્યાન મળી આવી હતી

ત્રીજા કિસ્સામાં મોરબીમાં આરોપી વિશાલ ઉર્ફે વિજય રમેશભાઇ ગૌસ્વામી જાંબુડીયા ગામની સીમ, એરીક્સ સીરામીક પાસે પોતાના કબ્જામાં પ્લા.ના બાચકામાં દેશી પીવાનો દારૂ ભરેલ પારદર્શક કોથળીઓ નંગ-૮૦ દેશીદારૂ લી-૧૬ કિ.રૂ.૩૨૦/- નો વેંચાણ કરવાના ઇરાદે રાખી મળી આવ્યો હતો. ચોથા કિસ્સામાં મોરબીમાં આરોપી ભાવેશભાઈ જેઠાભાઈ ખાંભલા રાજપર ગામ ની સીમ હીમાલય કારખાના શકતિ સોસાયટી પાસે પોતાના કબ્જામાં પ્લા.ના બાચકામાં દેશી પીવાનો દારૂ ભરેલ પારદર્શક કોથળીઓ નંગ-૪૫ દેશીદારૂ લી-૦૯ કિ.રૂ.૧૮૦/-નો વેંચાણ કરવાના ઇરાદે રાખી મળી આવ્યો હતો.