દુનિયાભરના અનેક દેશોમાં હાહાકાર મચાવનાર કોરોનાનો ખાતમો કરવા માટે ઘણા દેશો વેક્સિન પર કામ કરી રહ્યા છે. ત્યારે બ્રિટનથી એક રાહતના સમાચાર સામે આવ્યા છે. બ્રિટનમાં હોસ્પિટલોને કોરોના વાયરસ વેક્સિન લગાવવાની તૈયારી શરૂ કરવાના નિર્દેશ આપવામાં આવ્યા છે. હોસ્પિટલના સ્ટાફને કહેવામાં આવ્યું છે કે જલદી તેને ઓક્સફોર્ડ યુનિવર્સિટીની કોરોના વાયરસ વેક્સિનની પ્રથમ બેચ સોંપી દેવામાં આવશે.
હોસ્પિટલોને જણાવાયું છે કે, બે નવેમ્બરથી શરૂ થઈ રહેલ સપ્તાહથી કોરોના વાયરસ વેક્સિન લગાવવાની તૈયારી શરૂ કરી દે. મહત્વનું છે કે, ઓક્સફોર્ડની કોરોના વાયરસ વેક્સિનને આ મહામારીના ખાત્મા માટે ગેમચેંજર માનવામાં આવી રહી છે. અત્યાર સુધીના ટ્રાયલમાં આ વેક્સિનના પ્રભાવી પરિણામ સામે આવ્યા છે.
