દેવભૂમિ દ્વારકાના ગ્રામ્ય વિસ્તારોમાં વાવણીલાયક વરસાદ થતાં તેમજ આગામી દિવસોમાં વાવણીલાયક વરસાદ થવાના વરતારાને લઇ ખેડૂતોએ વાવણીના શ્રીગણેશ કરી દીધા છે. ખેડૂતોએ કપાસ અને મગફળીના વાવેતર કરવાનું શરૂ કર્યું છે.દેવભૂમિ દ્વારકા જિલ્લામાં ખંભાળિયા કલ્યાણપુર અને ભાણવર પંથક સહિતના જિલ્લામાં કેટલાક વિસ્તારોમાં વાવણીલાયક વરસાદ વરસ્યો છે.

ત્યારે ખંભાળિયા તાલુકામાં ગ્રામ્ય વિસ્તારમાં સારા પ્રમાણમાં વરસાદ થયો છે. જ્યારે ગામોમાં ધોધમાર વરસાદ થતાં નદી-નાળાઓ પુર પણ આવ્યા હતા. તેમજ કલ્યાણપુર તાલુકાના ગ્રામ્ય વિસ્તારના ગામોમાં વાવણી લાયક વરસાદ વરસ્યો હતો. વરસાદે વિરામ આપ્યો હોવાથી ખેડૂતોએ વાવણીના શ્રીગણેશ કરી બળદોને કુમકુમ તિલક કરી અને મોં મીઠા કરાવી શુભ ચોઘડીએ હરખની લાગણી સાથે ચોમાસા પાકની વાવણીના શ્રીગણેશ કર્યા છે.

ભાસ્કર ન્યૂઝ|/સુરજકરાડી/દ્વારકા દેવભૂમિ દ્વારકા જિલ્લાના ખંભાળીયા ભાણવડ અને કલ્યાણપુરના કેટલાક વિસ્તારમાં મેઘરાજાની ઘમાકેદાર એન્ટ્રી થઈ હતી.જેમાં અમુક ગામોના કેટલાક વિસ્તારોમાં વાવણીલાયક વરસાદ થતા ખેડૂતોમાં આનંદની લાગણી છવાઈ હતી.ઓખા-મીઠાપુર પંથકમાં પણ મૌસમનો પ્રથમ ઘીંગો વરસાદ વરસ્યો હતો. દેવભૂમિ દ્વારકા જિલ્લામાં સોમવારે અસહ્ય બફારા બાદ વાતાવરણમાં પલ્ટો જોવા મળ્યો હતો. ખંભાળીયા શહેરમાં બપોરના એકાદ વાગ્યાના સુમારે ધીમી ધારે વરસાદ શરૂ થયો હતો.જોરદાર ઝાપટા પડતા શહેરના રાજમાર્ગો પર પાણી ફળી વળ્યા હતા.

અસહ્ય બફારા બાદ વાતાવરણમાં ઠંડક પ્રસરતા લોકોમાં આનંદ છવાયો હતો.ખંભાળીયા, ભાણવડ અને કલ્યાણપુર પંથકમાં કેટલાક વિસ્તારમાં વાવણી લાયક વરસાદ વરસ્યો હતો. ખંભાળીયા તાલુકાના સોનારડી, બેહ, બેરાજા, ભાડથર ગામોમાં સારા પ્રમાણમાં વરસાદ થયો હતો તેમજ હંજડાપર અને ગોલણ શેરડીના ગામોમાં ધોધમાર વરસાદ થતાં નદી-નાળા અને છેલળાઓમાં પૂર આવ્યા હતા તેમજ કલ્યાણપુર તાલુકાના રાણ-લિબંડી, માળી સહિતના ગામોમાં કેટલાક વિસ્તારમાં વાવણી લાયક વરસાદ થયાના જાણવા મળ્યું હતું ભાણવડના ગ્રામ્ય પંથકમાં પણ અમુક વિસ્તારમાં વાવણી લાયક વરસાદ થયો છે. જેથી ખેડૂતોમાં આનંદની લહેર જોવા મળી હતી.

શિવરાજપુર બીચને ગોવાના બીચ કરતાં પણ વધુ સુવિધાયુક્ત બનાવવામાં આવશે. ગુજરાતમાં ટુરિઝમ દ્વારા સર્વિસ સેક્ટરનું મહત્વ વધ્‍યું છે ત્યારે શિવરાજપુર બીચ દ્વારા રોજગારીની નવી તકો ઉત્પન્ન થશે.

મુખ્યમંત્રી વિજય રૂપાણીએ દ્વારકા જિલ્‍લાના શિવરાજપુરના બ્‍લૂ ફલેગ બીચ ખાતે રૂપિયા 20 કરોડના ખર્ચે પ્રથમ ફેઝમાં નિર્માણ કરવામાં થનાર પ્રવાસી સુવિધાઓનું ખાતમુહૂર્ત તથા તખ્‍તીનું અનાવરણ કરી બીચના પ્રોજેકટ મોડેલનું નિરીક્ષણ કર્યું હતું.

ફેઝ-2 માં શિવરાજપુર બીચનું 80 કરોડના ખર્ચે નવીનીકરણ કરવામાં આવનાર છે. કુલ 100 કરોડના ખર્ચે શિવરાજપુર બીચને આંતરરાષ્‍ટ્રીય સ્‍તરનો બીચ બનાવવામાં આવશે.

શિવરાજપુર બીચ ખાતે ફેઝ-1 અંતર્ગત સાયકલ ટ્રેક, પાથ-વે, પાર્કિંગ, પીવાના પાણીની સુવિધા, ટોયલેટ બ્લોક, અરાઈવલ પ્લાઝા, ટુરિસ્ટ ફેસિલિટી સેન્ટર સહિતની સુવિધાઓનું 20 કરોડના ખર્ચે નિર્માણ કરાશે. મહત્વનું છે કેઉલ્લેખનીય છે કે, ગુજરાત ટુરિઝમ એવોર્ડ-૨૦૨૦માં દેવભૂમિ દ્વારકાને શ્રેષ્‍ઠ તીર્થસ્‍થાનનો તેમજ શિવરાજપુર બીચને બેસ્‍ટ બીચનો ટુરિઝમ એવોર્ડ પ્રાપ્‍ત થયો છે.