જો તમારા ઘરમાં કે પછી ઘર નજીક અચાનક મગર આવી જાય તો? સામાન્ય રીતે પાણી કે દલદલ વિસ્તારમાં રહેનારા આ ખતરનાક અને જાનવેલા જીવ ક્યારેક નજીકની માનવ વસ્તીમાં પહોંચી જાય છે.આ કોઈ મજાક નથી પણ અમેરીકાના ફ્લોરીડામાં આવું જ કંઈક બન્યુ છે. જ્યાં 9 ફૂટનો મગર ઘરના સ્વિમિંગ પૂલમાં જોવા મળ્યો હતો. સ્વિમિંગ પૂલમાં જ્યારે ઘરના સભ્યોએ આ મહાકાય મગરને જોયો તો સૌ કોઈ ભયભીત થઈ ગયા હતા અને બૂમાબૂમ કરી મુકી હતી. જોકે મગર બહાર નીકળવાનું નામ જ લેતો ન હતો. ઘરના સ્વીમિંગ પૂલમાં મગરને જોઇને લોકો ગભરાયા હતા.
ત્યારાબદ ઘરના સભ્યોએ વનવિભાગને ફોન કર્યો હતો. મગર અને ઘડિયાલ પકડવામાં ખૂબ જ હોશિયાર પોલ બેડાર્ડ તેને પકડવા માટે પહોંચ્યો હતો. ઘરના લોકોએ પોલને ઘરના સ્વિમિંગ પૂલમાં એક મોટો મગર હોવાની વાત કરી હતી. ત્યારબાદ પોલ બેડાર્ડ ડર્યા વગર સીધો જ સ્વિમિંગ પૂલમાં ઉતરી ગયો હતો અને ત્યારબાદ ઘડિયાલ સાથે રમવાનું શરૂ કરી દીધું હતું. મગર પણ તેની આગળ-પાછળ તરવા લાગ્યો હતો. ત્યારબાદ બેડાર્ડે પોતાની મહારત અજમાવીને મગરનું ધ્યાન ભટકાવીને મોંઢા ઉપર ટેપ બાંધી દીધી હતી. ત્યારબાદ બેડાર્ડે મગરને ઉઠાવી લીધો હતો અને તેને જંગલમાં મોકલી આપ્યો હતો.