Connect with us

અમદાવાદ

અમદાવાદના મુરતિયાઓ કર્ફ્યૂ દરમિયાન પણ લગ્ન કરી શકશે…જાણો આ છે નિયમ

Chintan Mistry

Published

on

આજે રાત્રિ 9 કલાકથી અમદાવાદમાં  કર્ફ્યૂની શરુઆત થઈ ગઈ છે.  ત્યારે લોકોને સતત એ વાતની ચિંતા સતાવતી હતી કે, આખરે આ કર્ફ્યૂમાં કઈ કઈ વસ્તુઓ ખુલી રહેશે અને કઈ પ્રવૃતિઓ બંધ રહેશે. જો કે, હવે અમદાવાદ શહેર પોલીસ કમિશ્નર તરફથી જાહેરનામું બહાર પાડવામાં આવ્યુ છે. જે અંતર્ગત લગ્નગાળાના સમયમાં હાલ જે પણ લોકોને લગ્નની તૈયારી ચાલી રહી હોય અથવા તો આ સમય દરમિયાન લગ્ન પ્રસંગ રાખ્યા હોય તેમને સ્થાનિક પોલીસની મંજૂરી લઈને પ્રસંગ આટોપી શકાશે. સ્થાનિક પોલીસની મંજૂરી લઈને લગ્ન કરી શકાશે.

અમદાવાદમાં કરફ્યૂમાં શનિવાર અને રવિવારે 1500થી વધુ લગ્નો થવાના છે તેમન માટે એક સારા સમાચાર કહી શકાય કે જો સ્થાનિક પોલિસના આશીર્વાદ – મંજૂરી હશે તો તમે લગ્ન સમારંભ કરી શકશો. ડેપ્યુટી સીએમ નીતિનભાઈ પટેલે પ્રેસ કોન્ફરન્સમાં આપેલી માહિતી મુજબ જો કોઈને કરફ્યૂમાં લગ્ન કરવા હશે તો સ્થાનિક વિસ્તારમાં આવેલ પોલિસ સ્ટેશનમાં 200 લોકોની યાદી પણ આપવી પડશે. જો લગ્નોની છૂટછાટ હશે તો પછી કરફ્યૂનો મતલબ શું સમજવાનો.બંને પક્ષમાં જો 20-20 લોકો હાજર રહે તો યાદી આપવાની જરૂર નથી. સાથે જ રિસેપ્સન્સના કાર્યક્રમ દિવસમાં જ રાખવાના રહેશે. રાત્રિના કોઈ પણ કાર્યક્રમને મંજૂરી આપવામા આવશે નહીં.

અમદાવાદ

ગુજરાતના મહાન ગણિતશાસ્ત્રી અરૂણ વૈદ્યનું 85 વર્ષે નિધન

Chintan Mistry

Published

on

આજે ગુજરાતના મહાન ગણિતશાસ્ત્રી અરૂણ વૈદ્યનું 85 વર્ષે નિધન થયું છે. છેલ્લા 5 વર્ષથી બ્રેઈન ક્લોટની તકલિફથી ઝઝૂમી રહેલા અરુણ વૈદ્યનું આજે સવારે હાર્ટ એટેક આવતા નિધન થયું છે.

તેઓ 1996માં મુંબઈ ખાતે યોજાયેલ આંતર્રાષ્ટ્રીય ગણિત સ્પર્ધાના મુખ્ય આયોજક તથા જ્યુરી રહ્યા હતા. ગુજરાત યુનિવર્સીટીના ગણિત વિભાગના ભૂતપૂર્વ અધ્યક્ષ રહેલા અરુણ વૈદ્યની પુસ્તક આપણી મોંઘી ધરોહરને જીવન લેખન પારિતોષકથી નવાજમાં આવ્યું છે. ગણિતના અઘરામાં અઘરા દાખલા ગણી સકનાર ગણિતશાસ્ત્રી અરૂણ વૈદ્યના નિધનથી રાજ્ય અને રાષ્ટ્રમાં ગણિત ક્ષેત્રે બહુ ખોટ પડી છે.

Continue Reading

અમદાવાદ

28મીએ પીએમ ગુજરાત આવીને વેક્સિનને લઈ કરી શકે છે જાહેરાત

Chintan Mistry

Published

on

ગુજરાત સહિત દેશભરમાં કોરોના મહામારીનો પ્રકોપ યથાવત છે. આવી સ્થિતિમાં દેશમાં વેક્સિન પર પણ ઝડપથી કામ થઈ રહ્યુ છે. જેમાં ગુજરાતમાં ઝાયડસ કેડીલા કંપની દ્વારા પણ વેક્સિન નિર્માણનું કામ થઈ રહ્યુ છે. આ વેક્સિનના કામનું નિરીક્ષણ કરવા પીએમ મોદી ઝાયડસ પ્લાન્ટની મુલાકાતે લઈ શકે છે.

મળતી માહિતી મુજબ, પ્રધાનમંત્રી નરેન્દ્ર મોદી ફરી એક વખત ગુજરાતના પ્રવાસે આવવાના છે. પીએમ મોદી 28 નવેમ્બરે ગુજરાત આવશે. આ દરમિયાન પીએમ મોદી વેક્સીન અંગે ગુજરાતથી મોટી જાહેરાત કરે તેવી સંભાવના છે. પીએમ મોદી આ પ્રવાસ દરમિયાન ઝાયડસ પ્લાન્ટની મુલાકાત લઈ શકે છે અને ઝાયડસ કેડિલા વેક્સીનનું નિરીક્ષણ કરશે. અહીં કંપની ઝાયકોવ ડી વેક્સીનનું નિર્માણ થઈ રહ્યું છે.

માનવામાં આવી રહ્યુ છે કે ઝાયડસ કેડીલા કંપનીને વેક્સીન બનાવવામાં સફળતા મળી ગઈ છે. જોકે હાલ આ અંગે કોઈ સત્તાવાર જાહેરાત થઈ નથી. તો બીજીબાજુ સુત્રો દ્વારા એવી પણ માહિતી સામે આવી છે કે પ્રધાનમંત્રી નરેન્દ્ર મોદી શનિવારે પૂણે સ્થિત સીરમ ઇન્સ્ટિટ્યૂટ ઓફ ઇન્ડિયાનો (SII)પ્રવાસ કરશે. જોકે તેમનો વિસ્તૃત કાર્યક્રમ હજુ મળ્યો નથી. રાવે કહ્યું કે પ્રધાનમંત્રીના પૂણે આવવાની સંભાવના છે જો આમ થશે તો તેમનો ઉદ્દેશ્ય કોરોના વાયરસ સંક્રમણના વેક્સીન નિર્માતાની સ્થિતિ, ઉત્પાદન અને વિતરણના તંત્રની સમીક્ષા હશે.

Continue Reading

અમદાવાદ

પ્રદૂષણ રોકવા અમદાવાદ પોલીસનો મોટો નિર્ણય, આ વાહનોની અવર-જવર પર પ્રતિબંધ

Chintan Mistry

Published

on

અમદાવાદમાં વધતા જતા પ્રદૂષણ રોકવા માટે અમદાવાદ પોલીસ કમિશનર દ્વારા મોટો નિર્ણય લેવામાં આવ્યો છે. અમદાવાદમાં મોટર વ્હીકલ એક્ટ અંતર્ગત કમિશનર દ્વારા જાહેરનામું બહાર પાડવામાં આવ્યું છે. જે મુજબ, સવારે 8 વાગ્યાથી રાતના 9 વાગ્યા સુધી ટ્રેક્ટર, ટ્રક કે ભારે વાહનોના શહેરમાં પ્રવેશ ઉપર પ્રતિબંધ મૂકવામાં આવ્યો છે.

આરટીઓમાં કામકાજ માટે આવતા વાહનો માટે સવારે 10 થી 6 સુધી જ છૂટછાટ આપવામાં આવી છે. જાહેરનામા મુજબ, અમદાવાદમાં વધતા જતા પ્રદૂષણને અટકાવવા અને માર્ગ અકસ્માત નિવારવા માટે શહેરમાં આવતા ભારે વાહનો પર પ્રતિબંધ મૂકવો જરૂરી છે.

જેથી લાઈટ મોટર વ્હીકલ એટલે કે ટ્રાન્સપોર્ટ વાહન કે જેનું કુલ વજન 7500 કિગ્રા સુધીનું થતુ હોય તેવા તમામ લાઈટ ગુડ્સ વ્હીકલ તથા તમામ લાઈટ પેસેન્જર વ્હીકલ શહેરની અંદર પ્રવેશ કરી શકશે, તે સિવાયના વ્હીકલને શહેરમાં અવરજવર કરવા પર સવારે 8 થી રાત્રે 9 વાગ્યા દરમિયાન પ્રતિબંધ ફરમાવવામાં આવ્યો છે. શહેરમાં પ્રવેશતા પેસેન્જર વાહનો, મિની બસ કે જેની કેપેસિટી 33 સીટ સુધીની હોય તેવી ક્ષમતાવાળા પેસન્જર વાહનો શહેરની અંદર પ્રવેશ કરી શકશે.

Continue Reading
ગુજરાત24 mins ago

લગ્નનું આયોજન કરવા માંગતા લોકો માટે રાહતના સમાચાર

બીઝનેસ3 hours ago

ક્યારે શોધાશે ભારતમાં ભ્રષ્ટાચારની વેક્સિન? એશિયામાં સૌથી ભ્રષ્ટ દેશ ભારત

ગુજરાત3 hours ago

રાજકોટ આગની ઘટનાના પડઘા સુપ્રીમમાં પડ્યા, સુપ્રીમે ગુજરાત સરકારનો ઉધડો લીધો

રાજકોટ6 hours ago

રાજકોટ હોસ્પિટલમાં અગ્નિકાંડમાં 5 લોકોના મોત, 3 દર્દીઓ બેડ પર જ જીવતા ભૂંજાયા

ગુજરાત7 hours ago

દેશભરમાં કોરોનાના કેસમાં મોટો ગોટાળો, ગુજરાતમાં 2 લાખ કેસની નોંધણી જ નહીં?

અમદાવાદ22 hours ago

ગુજરાતના મહાન ગણિતશાસ્ત્રી અરૂણ વૈદ્યનું 85 વર્ષે નિધન

ગાંધીનગર22 hours ago

ગાંધીનગરમાં એક જ એમ્બ્યુલન્સમાં કોરોના દર્દીઓના ચાર મૃતદેહ લઈ જવાતા ખળભળાટ

નેશનલ23 hours ago

તો આ રાજ્યમાં લાગુ થઈ શકે છે રાત્રિ કર્ફ્યૂ

વર્લ્ડ4 weeks ago

તો પાકિસ્તાનનું સંચાલન કરે છે આ ખૂબસુરત મહિલા…ઈમરાન ખાન પણ એના ઈશારા પર નાચે છે..

વાયરલ4 weeks ago

ખરેખર નદી પાર કરી રહેલ આ 50 ફૂટ લાંબો એનાકોન્ડા છે કે પછી બીજું કંઈ?

વર્લ્ડ4 weeks ago

સાઉદી અરબ : મક્કામાં મોટી મસ્જિદમાં અજાણ્યા શખ્સે ઘુસાડી દીધી કાર…વિડિયો થયો વાયરલ

ગુજરાત3 weeks ago

ક્યાં છે રોજગાર? સિદ્ધપુરમાં શિક્ષિત યુવકનો રોજગાર ન મળતા આપઘાત

ધર્મદર્શન4 weeks ago

પર્વતરાજ ગિરનાર પછી પર્વતની રાણી મસુરી ખાતે મોરારીબાપુની રામકથા

વર્લ્ડ4 weeks ago

પયગંબર કાર્ટૂન વિવાદ : ઈસ્લામને લઈ ફરી ફ્રાંસના રાષ્ટ્રપતિએ આપ્યું મોટું નિવેદન

વર્લ્ડ4 weeks ago

કોરોના વકરતા ફ્રાંસ બાદ વધુ એક દેશમાં લોકડાઉન 2 લાગુ કરાયું

અમદાવાદ3 weeks ago

ગુજરાત સરકારે CNG વાહન ચાલકોને આપી મોટી રાહત

Trending

Copyright © 2019 - 2020 The Squirrel.