માળીયા તાલુકાના કારીંભડાના નિમુબેન વાલજીભાઇ સગર નામની મહિલાને છઠ્ઠી વખતનો ગર્ભ હતો. અને સાતમા મહિને પ્રસુતિની પીડા ઉપડતાં માળીયા સરકારી દવાખાને દાખલ કરાયા હતા. પરંતુ માતા અને બાળક બંનેની સ્થિતી જોખમી હોઈ આગળની સારવાર માટે સરકારી એમ્બ્યુલન્સમાં જૂનાગઢ સિવીલમાં દાખલ કરવા રવાના કરાયા હતા.જોકે, એમ્બ્યુલન્સ માણેકવાડા પહોંચી ત્યાંજ બાળકનો જન્મ થવા લાગતાં એમ્બ્યુલન્સના ડ્રાઇવરે સમય સુચકતા દાખવી 108 ની મદદ લીધી.

અને માત્ર 5 મિનિટમાં જ વંથલી 108 ટીમના ડો. હર્ષાબેન વાજા તથા પાયલોટ હિતેન્દ્રભાઇ પીડિતા સુધી પહોંચી ગયા. તપાસ કરતાં માતા શોકમાં જઈ રહી હોવાનું અને બાળક શ્વાસ ન લઈ રહ્યું હોવાનું માલુમ પડ્યું.બાળકના ધબકારા પણ બંધ હતા. આથી તેને ઓક્સિજન CPR, BVM અને ઇમર્જન્સી રિસ્પોન્સ સેંટર ફિઝીશ્યનની સલાહ અનુસાર દવાઓ આપી સારવાર કરતાં બાળકનું હ્રદય ધબકવા લાગ્યું હતું. અને કુત્રિમ શ્વાસોશ્વાસ આપી બાળકને ખાનગી હોસ્પિટલ તેમજ માતાને સિવીલ હોસ્પિટલ જૂનાગઢમાં ખસેડાઇ હતી.

 અત્યારે જૂનાગઢ શહેરમાં જે ગટર બની રહી છે એ મૂળ યોજના છેક વર્ષ 2009 ની છે. એ વખતે રાજ્ય સરકારે આખા જૂનાગઢ શહેરમાં મેઇન તેમજ શેરી, ગલી, સોસાયટી સહિત બધે નવી ગટર બનાવવાની હતી. પણ એ વર્ષે મનપામાં કોંગ્રેસને સત્તા મળી એટલે અથવા કોઇપણ કારણે તેની અમલવારીજ ન થઇ. તે છેક 10 વર્ષે એ કામ હાથ પર લેવાયું ત્યારે તેની કિંમત 640 કરોડે પહોંચી ગઇ છે.જેમાં કન્સલ્ટન્ટ કંપનીએ શેરી-ગલીની ગટરનું લેવલ પણ અણઘડ હોવાથી એ પણ નવી બનાવવાનું સુચન કર્યું હતું. પણ શાસકોએ એ માંગણી ફગાવી દીધી. અને ફક્ત મુખ્ય લાઇનજ 244 કરોડના ખર્ચે નવી બનાવવાનો નિર્ણય કર્યો. કારણકે, શેરી અને ગલીઓમાં રસ્તાની ગ્રાન્ટો પડી હતી એ વાપરવાની ઉતાવળ હતી. આથી જેવું ઓવરબ્રિજને બદલે અન્ડરબ્રિજ બનાવવાનું નક્કી કર્યું એમાં પણ એવુંજ થયું.

હવે પાછળથી જ્યારે ખબર પડી કે શેરી-ગલીની જૂની ગટરો ચાલે એમ નથી ત્યારે 344 કરોડની શેરીની ગટરો માટે જનરલ બોર્ડમાં સૈદ્ધાંતિક મંજૂરી લીધી છે. જો પહેલેથીજ મેઇનની સાથે શેરી-ગલીનો પ્લાન બનાવ્યો હોત તો બધું એકસાથે અને વ્યવસ્થિત આયોજન થાત. હવે થશે એવું કે, અત્યારે મેઇન ગટરનું જે કામ છે એ ત્રણેક વર્ષ ચાલશે. એ દરમ્યાન શેરીના રસ્તા બનશે. અને શેરીની ગટર બનાવવાની આવશે ત્યારે એ રોડ ખોદવા પડશે. એ ઝીણું કામ છે એટલે લાંબો સમય ચાલશે એટલે આખા શહેરમાં ઠેર ઠેર ખોદાયેલા રસ્તા લોકોની મુશ્કેલીમાં વધારો કરશે.