ચોમાસાના મંડાણ વચ્ચે વલસાડ જિલ્લાની 600 ફિશિંગ બોટ કાંઠાના ગામોની જેટી કિનારે લાંગરવામાં આવી છે.8 માસની સિઝન પૂૂરી થતાં માછીમારો બોટ લઇને માદરે વતન પહોંચ્યા છે,બાકીની બોટ પણ પરત થઇ રહી છે.બીજીતરફ અરબી સમુદ્રમાં વેસ્ટર્ન ડિસ્ટર્બન્સ અને લોપ્રેશરની સિસ્ટમ એક્ટિવ થતાં હવામાન વિભાગ દ્વારા આગામી 5 દિવસમાં પવન અને વરસાદની આગાહી દર્શાવવામાં આવી છે.જોકે મોઘું ડીઝલ અને પ્રતિકુળ હવામાનને લઇ ફિશિંગ સિઝન નબ‌ળી રહેતા સાગરખેડૂ માછીમારોમાં નિરાશાનો માહોલ જોવા મળ્યો છે. ગત વર્ષે વલસાડ જિલ્લામાં ચોમાસા બાદ મચ્છીમારીની સિઝન શરૂ થઇ ગઇ હતી.

માછીમારીનો ધંધો ઓક્ટોબરથી શરૂ કરવા માટે ઓખા, જખૌ,વેરાવળ,મુંબઇ ના સુમદ્રમાં જિલ્લાની બોટો અરબી સમુદ્રમાં ફિશિંગ માટે નિકળી ગઇ હતી. આ વર્ષે 11 જૂનથી ચોમાસાના મંડાણ થતાં વલસાડ જિલ્લાની 600 બોટ વિવિધ બંદરો પરથી વલસાડ જિલ્લામાં પરત ફરી છે.જિલ્લાના 40 હજારથી વધુ માછીમારો ફિશિંગ દ્વારા ગુજરાન ચલાવે છે. મહારાષ્ટ્રના રત્નાગિરી કિનારે તથા ભાઉચા બંદર તથા ગુજરાતના જખૌ અને વેરાવળ,ઓખા બંદરે ધોલાઇ અને વલસાડ જિલ્લાના કાંઠાના ગામોની 600 બોટ લાંગરવામાં આવી છે.જેના કારણે ફિશિંગના ધંધા ઉપર મોટી અસર થઇ છે.

વિદેશ જતા ભારતિયો પોતાનો વતન પ્રત્યેનો પ્રેમ અનેક રીતે વ્યક્ત કરતા હોય છે. જેમાં અનેક વિદેશીઓ પોતાની કારની નંબર પ્લેટ પોતાની સરનેમ(અટક) અથવા પોતાની જાતના નામની કે અન્ય સંબંધિત વ્યક્તિના નામની બનાવતા હોય છે, પરંતુ વાપીની એક દિકરીએ પોતાની કારની નંબર પ્લેટ વાપી નામની લઇ વતનનો અનોખો પ્રેમ વ્યક્ત કર્યો છે.વાપીના વેપારી શિશુપાલ વેપારીની પુત્રી વૈશાલી છેલ્લા થોડા વર્ષોથી અમેરિકા સ્થાયી થઇ છે. આઇટી સેક્ટર સાથે જોડાયેલી વૈશાલીનો પોતાના શહેર વાપીનો પ્રેમ અનોખો છે.

તેને અમેરિકામાં પણ વાપીની સતત યાદ આવતી રહે છે. જેના કારણે તેણીએ પોતાની કારની નંબર પ્લેટ વાપીના નામની લઇ લીધી છે.તેની કાર જ્યાં જ્યાં જાય છે, ત્યાં ત્યાં ગુજરાતી અમેરિકનોને વાપી ગુજરાતની યાદ આવી જાય છે. તેણીનો પોતાના શહેર વાપીનો આ અનોખો પ્રેમ અમેરિકન ગુજરાતીમાં અનોખો ઉત્સાહ ભરી રહ્યો છે. આ કાર અમેરિકામાં આકર્ષણનું કેન્દ્ર બની રહી છે. વૈશાલી બેનના પિતા શિશુપાલભાઇએ જણાવ્યું હતું કે મારી દિકરીનું બાળપણ વાપી શહેરમાં વિત્યું છે. જેથી વાપી સાથે તેમની અનેક યાદો જોડાયેલી છે

ગુજરાતના આદિવાસી વિસ્તારના સર્વાંગી વિકાસના સંકલ્પ સાથે નવસારી જિલ્લાના ખુડવેલમાં 3,054 કરોડના ખર્ચે વિવિધ વિકાસ કામો અંતર્ગત 7 યોજનાઓનું લોકાર્પણ વડાપ્રધાન નરેન્દ્રભાઈ મોદીના આશીર્વાદ સાથે 14 યોજનાઓ 10મી જૂનને શુક્રવારે કરવામાં આવશે. . આ વિકાસ કાર્યો દક્ષિણ ગુજરાતના નવસારી, સુરત, તાપી અને વલસાડ જિલ્લાના લોકો સાથે જોડાયેલા છે.મુખ્યમંત્રી ભૂપેન્દ્ર પટેલ બાદ કેન્દ્રીય રેલ્વે રાજ્ય મંત્રી શ્રીમતી દર્શનાબેન જરદોશ, રાજ્યના પાણી પુરવઠા મંત્રી રૂષિકેશભાઈ પટેલ, નાણા મંત્રી કનુભાઈ દેસાઈ, માર્ગ અને મકાન મંત્રી પૂર્ણેશભાઈ મોદી, આદિજાતિ વિકાસ મંત્રી નરેશભાઈ પટેલ, ‘ગુજરાત ગૌરવ અભિયાન’માં જોડાયા હતા. વડાપ્રધાનની અધ્યક્ષતામાં યોજાશે.હર્ષભાઈ સંઘવી, ગૃહ રાજ્ય મંત્રી, જીતુભાઈ ચૌધરી, પાણી પુરવઠા રાજ્ય મંત્રી, વિનોદભાઈ મોરડિયા, શહેરી વિકાસ રાજ્ય મંત્રી, નવસારીના સાંસદ સી.આર. પાટીલ સહિત અન્ય સાંસદો અને ધારાસભ્યો પણ હાજર રહેશે.આદિવાસી વિસ્તારના નાગરિકો પીવાના પાણી માટે માનવ બળનો ઉપયોગ કરીને ભૂગર્ભમાંથી પાણી સિંચાઈ રહ્યા છે,

પરંતુ તેમની પીવાના પાણીની કાયમી સમસ્યાના નિરાકરણ માટે વડાપ્રધાન નરેન્દ્રભાઈ મોદી આગામી શુક્રવારે મધુબન ડેમ, એસ્ટોલ જૂથ પાણી પુરવઠાની કિંમતનું લોકાર્પણ કરશે. 586.16 કરોડની યોજના શરૂ કરશે. આ યોજના શરૂ થતાં જ વલસાડ જિલ્લાના ધરમપુર અને કપરાડાના 174 ગામોના 1,028 નગરોના લગભગ 8.13 લાખ નાગરિકોને પીવાનું પાણી મળશે. આ મધુબન ડેમ આધારિત એસ્ટોલ ક્લસ્ટર પાણી પુરવઠા યોજના જેમાં બલ્ક પાઈપલાઈન, શુદ્ધિકરણ પ્લાન્ટ, પમ્પિંગ સ્ટેશન અને સંલગ્ન કામો છે તે પાણી પુરવઠા ઈજનેરી પ્રાવીણ્યનો ચમત્કાર છે.વલસાડ જિલ્લાના વાપી શહેરમાં દૂષિત પાણીના શુદ્ધિકરણ માટે રૂ. 20.30 કરોડના ખર્ચે સ્થાપિત 14 MLD ક્ષમતાના સુએઝ ટ્રીટમેન્ટ પ્લાન્ટનું વડાપ્રધાન નરેન્દ્ર મોદી ઉદ્ઘાટન કરશે, જેનો લાભ વાપી નગરના આશરે 1.80 લાખ નાગરિકોને મળશે. આ પ્રસંગે વડાપ્રધાન સુરત, નવસારી, વલસાડ અને તાપી જિલ્લાના 11.29 લાખ આદિવાસી નાગરિકોને પીવાનું શુદ્ધ પાણી પૂરું પાડવા રૂ. 549.26 કરોડના ખર્ચે 8 પાણી પુરવઠા યોજનાનો શિલાન્યાસ પણ કરશે.