આજના યુવાનો ફિલ્મ સ્ટાર કે સેલીબ્રીટીને અનુસરતા હોય છે. ત્યારે ઘણા યુવાનો એવા પણ છેકે જે કોઈ ફિલ્મ સ્ટાર કે સેલીબ્રીટી નહિ પણ આર્મીમાં જવાન બનવા માંગે છે. આવા લોકો શરૂઆત થીજ મહેનત કરી પોતાના સ્વપ્નો પુરા કરે છે. ત્યારે ધીમે ધીમે લોકો આર્મીના જવાનોને માન આપવા લાગ્યા છે. અને તેમને સન્માન આપવા લાગ્યા છે, ત્યારે સાબરકાંઠા જીલ્લાના વિજયનગરના ગોડવાનાનો એક યુવાન ૨૨ વર્ષથી આર્મીમાં નોકરી કરે છે. અને વય મર્યાદાને કારણે નિવૃત થયો છે. નિવૃત થતા પોતાના વતન પરત ફર્યો ત્યારે ગામ લોકોએ તેમનું ભવ્ય સ્વાગત કર્યું હતું.
નિવૃત જવાન બોર્ડર સિક્યુરીટી ફોર્સના હેડ કોન્સ્ટેબલ તરીકે ફરજ બજાવતો હતો. સાબરકાંઠાના ગોડવાના ના પ્રવીણભાઈ બોદર છેલ્લા ૨૨ વર્ષથી સેનામાં સેવા આપ્યા બાદ પોતાના વાતન પરત ફર્યા હતા. પ્રવીણભાઈ પોતાના માદરે વતન આવતા ડીજેના તાલે શોભાયાત્રા નીકળી હતી. તેમજ ગામની બહેનો દ્વારા સામૈયા કરીને સ્વાગત કર્યું હતું. સાથેજ ગ્રામજનોએ નિવૃત જવાનને ફૂલહાર કરીને તેમનું સ્વાગત કર્યું હતું.
૨૨ બીએસ એફ્માં સેવા આપનાર જવાન નિવૃત
