જામનગર જિલ્લા કલેકટર શ્રી ડો.સૌરભ પારઘીના અધ્યસ્થાને DSC ( ડિસ્ટ્રિક્ટ સ્કીલ કમિટી) ની ૫ મી બેઠકનું આયોજન કરવામાં આવ્યુ હતું. જેમાં કોરાના કાળમાં હેલ્થ વર્કરની જરૂરિયાતને ધ્યાને રાખી જનરલ ડ્યુટી આસિસ્ટન્ટનો કોર્ષ ચાલુ કરવાનીવિચારણા હતી જે આઈ.ટી.આઈ.જામનગર દ્વારા આ કોર્ષ ચાલુ કર્યા અંગેની જાણ કરાઈ હતી. આ મિટિંગમાં આ વર્ષે બ્રાસસિટી જામનગરને કુશળ માનવ બળ મળી શકે તે માટે કૌશલ્ય ધ સ્કીલ યુનિવર્સિટી અર્તગર્ટ નવા બ્રાસને લગતા કોર્ષ બનાવી ગાંધીનગર મંજૂરી માટે મોકલવામાં આવેલ છે. આ કોર્ષ ઓગસ્ટ ૨૦૨૨ સુધીમાં ચાલુ કરવામાં આવશે તેમ જણાવવામાં આવ્યું હતું. વધુમાં UNDP દ્વારા સ્કીલને લગતા કોર્ષ ચાલુ રાખવા આઈ.ટી.આઈ.ને મદદ કરશે તેમ બેઠકમાં જણાવાયું હતું.

આ બેઠકમાં કલેકટરશ્રી ડૉ. સૌરભ પારધી, ગ્રામ વિકાસ એજન્સીના ડિરેક્ટર શ્રી રાયજાદા, નાયબ જિલ્લા વિકાસ અધિકારી શ્રી
કીર્તન રાઠોડ, આઇ.ટી.આઇ નાં આચાર્ય શ્રી એમ. એમ. બોચીયા, રોજગાર અધિકારી શ્રી સરોજ સાંડપા, લેબર ઓફિસર શ્રીધ્વનિ રામી તથા અન્ય અધિકારીશ્રીઓ અને ઓદ્યોગિક એકમોના પ્રમુખશ્રીઓ હાજર રહ્યા હતા. કાયક્રમનું સંચાલનઆઈ.ટી.આઈ જામનગરના આચાર્ય બોચીયા દ્વારા કરવામાં આવ્યું હતું. અત્રે ઉલ્લેખનીય છે કે શ્રમ, કૌશલ્ય વિકાસ અનેરોજગાર વિભાગ દ્વારા આ વર્ષના બજેટમાં ગુજરાતની પાંચ આઈ.ટી.આઈ. માં કૌશલ્ય ધ સ્કીલ યુનિવર્સિટીના કોર્ષ ચાલુ કરવા માટે દરેક આઇ.ટી.આઇ. ને ૫ કરોડ ની જોગવાઈ કરવામાં આવેલ છે. જેમાં આઇ.ટી.આઇ જામનગરનો પણ સમાવેશકરવામાં આવેલ છે. આ સંસ્થામાં મેનુંફેકચરિંગના કોર્ષની પંસદગી કરવામાં આવેલ છે. તે માટે બ્રાસ ઉદ્યોગના પ્રતિનિધિઓ સાથે પરામર્શ કરી બ્રાસ ઉદ્યોગને લગત કોર્ષ બનાવી ગાંધીનગર ખાતે મોકલવામાં આવેલ છે.

જામનગરની ભાગોળે આવેલા ફલ્લા વાડી વિસ્તારમાં મધરાત્રે વૃઘ્ધ પર ચાર જેટલા શખ્સોએ હુમલો કરી સોનાના ઠોરીયા અને૧૫ હજારની રોકડ મળી આશરે ૬૦ હજારના મુદામાલની લુંટ ચલાવી નાશી છુટતા ભારે દોડધામ મચી ગઇ હતી, બનાવનાપગલે શહેર, જીલ્લામાં નાકાબંધી કરી પોલીસ ટુકડીઓને દોડતી કરવામાં આવી હતી જયારે ઇજાગ્રસ્ત વૃઘ્ધને જામનગર સારવારમાટે ખસેડવામાં આવ્યા છે. જામનગર તાલુકાના ફલ્લા ગામમાં રહેતા ટીડાભાઇ બીજલભાઇ બાંભવા (ઉ.વ.૫૫) નામના વૃઘ્ધગત રાત્રીના ફલ્લા સીમમાં આવેલી વાડીએ સુતા હતા, દરમ્યાન મધરાત્રીના ચારથી પાંચ જેટલા અજાણ્યા શખ્સો ત્યાં ધસી આવ્યા હતા, ખાટલામાં સુતેલા વૃઘ્ધને દબાવી દઇ ધોકાથી હુમલો કરી વૃઘ્ધને માથાના ભાગે ગંભીર ઇજા પહોચાડી હતી.

વૃઘ્ધ પર હુમલો કરીને તેમણે પહેરેલા સોનાના ઠોરીયા, ચાંદીનો કંદોરો અને આશરે ૧૫ હજાર જેટલી રોકડની લુંટ ચલાવીને લુંટારુઓઅંધારામાં ઓગળી ગયા હતા, દરમ્યાન બનાવની જાણ થતા વાડી વિસ્તાર અને ગામમાં દેકારો બોલીગયો હતો, તુરંત પોલીસનેજાણ કરવામાં આવી હતી અને ચારેતરફ નાકાબંધી કરાઇ હતી. ઇજાગ્રસ્ત ભરવાડ વૃઘ્ધને સારવાર અર્થે જામનગર ખાનગીહોસ્પીટલમાં ખસેડવામાં આવ્યા હતા, શહેર, જીલ્લામાં નાકાબંધી કરી પંચકોશી-એ પોલીસની ટુકડી સ્થળ પર દોડી ગઇ હતી અને પ્રાથમિક વિગતો જાણી હતી અંદાજે ૬૦ હજારના મુદામાલની લુંટ થયાનું પોલીસની પ્રાથમિક તપાસમાં બહાર આવ્યું છે અજાણ્યા શખ્સોની શોધખોળ ચલાવવામાં આવી રહી છે. બનાવના પગલે વાડી વિસ્તારમાં ભારે ચકચાર મચી જવા પામી છે.

જામનગરમાં સંવેદના એજ્યુકેશન એન્ડ ચેરીટેબલ ટ્રસ્ટ દ્વારા માતૃશ્રી રમણભાઈ પ્રશિક્ષણ કેન્દ્ર સંચાલિત મહિલા પુસ્તકાલયઅને સ્પર્ધાત્મક ક્લાસીસ નું ઓપનિંગ કરવામાં આવ્યું છે આજના સ્પર્ધાત્મક યુગમાં વધુમાં વધુ યુવતીઓ પરીક્ષા પાસ કરે તેમાટે વિનામૂલ્યે સ્પર્ધાત્મક પરીક્ષાના ક્લાસીસ શરૂ કરવામાં આવ્યા છે ભાઈ ની વાડી મહાવીર નગર પાસે રણજીત સાગર રોડકોમ્યુનિટી હોલમાં પુસ્તકાલય અને સ્પર્ધાત્મક પરીક્ષાના ક્લાસ શરૂ કરવામાં આવ્યા છે પૂર્વ કોર્પોરેટર ગીતાબેન પરમાર દ્વારા સમગ્ર કાર્યક્રમનું આયોજન કરવામાં આવ્યું હતું

આ કાર્યક્રમમાં ધારાસભ્ય હકુભા જાડેજા જામનગરના મેયર બીનાબેન કોઠારી શહેરપ્રમુખ વિમલભાઈ કગથરા સ્ટેન્ડિંગ કમિટીના ચેરમેન મનીષભાઈ કરતા રહ્યા સહિતના આગેવાનો ઉપસ્થિત રહ્યા હતાર ગરીબઅને મધ્યમ વર્ગમાંથી આવતી યુવતીઓ સ્પર્ધાત્મક પરીક્ષાની તૈયારી માટે મસમોટી ફી ચૂકવી શકતી નથી ત્યારે જામનગરના પૂર્વ કોર્પોરેટર નીતાબેન પર મારે એક નવતર પ્રયાસ કર્યો છે આ યુવતીઓને સ્પર્ધાત્મક પરીક્ષા ની તૈયારી માટે લાઇબ્રેરીમાં બુકો પણ વસાવી છે અને યુવતીઓ શાંત વાતાવરણમાં સ્પર્ધાત્મક પરીક્ષાની તૈયારી કરી શકે તે માટે તમામ વ્યવસ્થા કરવામાં આવી છે