ગુજરાતમાં આગામી 28મી ફેબ્રુઆરીએ નગરપાલિકા અને જિલ્લા-તાલુકા પંચાયતની ચૂંટણી યોજાવાની છે. ત્યારે વધુ એક ધારાસભ્યનો વીડિયો વાયરલ થયો છે. પ્રજાના સવાલ ઉપર ભડકતા ભાજપના ધારાસભ્યનો વીડિયો વાયરલ થયો છે. વાયરલ થયેલ વીડિયો સંખેડાના ભાજપ ધારાસભ્ય અભેસિંહ તડવીનો હોવાનું જાણવા મળ્યુ છે.

મળતી માહિતી મુજબ, ચૂંટણી પ્રચાર દરમિયાન સંખેડાના ધારાસભ્ય અભેસિંહ તડવી ઉગ્ર થઈ ગયા હતા. પ્રજાનો અવાજ દબાવતા હોય તેમ અવાજ બંધ કરવા જણાવ્યું હતું. આવાસનો સવાલ પૂછતાં ઉગ્ર થઈ સવાલ કરનારને ધારાસભ્યએ તગેડી મૂક્યો હતો. વાયરલ વીડિયોમાં ધારાસભ્ય મતદારોને કહી રહ્યા છે કે, અનાજ આવ્યું છે અને તમે ખાધું છે એટલે ઋણ ચૂકવવાનો સમય હવે તમારો છે તેમ અભેસિંહે જણાવ્યું હતું. મત નહિ મળે તો મને ફેર પડવાનો નથી, તેમ પણ ધારાસભ્યએ કહ્યું હતું.

ભાજપના ધારાસભ્યએ મતદારને જ ખખડાવ્યા…
મતદાર દ્વારા કરવામાં આવેલ સવાલથી ધારાસભ્ય ભડક્યા..
ભાજપના ધારાસભ્ય અભેસિંહ તડવીનો પ્રજા સાથે સંવાદનો વીડિયો વાયરલ…
છોટાઉદેપુરના નસવાડી તાલુકાના હરિપુરાનો બનાવ
ધારાસભ્ય અભેસિંહ તડવીએ સવાલ કરનારને તગેડી મુક્યો…#gujarat #chotaudaipur pic.twitter.com/BMal1iWkPD

— The Squirrel (@TheSquirrelin) February 25, 2021

મહત્વનું છે કે, આ વીડિયો નસવાડી તાલુકાના હરિપુરા ગામનો હોવાનુ માનવામાં આવી રહ્યુ છે. એક તરફ મુખ્યમંત્રીએ ધારાસભ્યોને વિનમ્રતા દાખવવા ટકોર કરી છે, ત્યારે બીજી તરફ સંખેડાના ધારાસભ્ય આ ટકોરને ઘોળી પી રહ્યા છે

યોગીએ ગોંડલને ગોકુળ બનાવ્યું રે ગોકુળ બનાવ્યું….આ કિર્તનની કડીની જેમ યોગીજી મહારાજે ના માત્ર સૌરાષ્ટ્ર પણ ગુજરાતના ઘણા ગામડાઓમાં જઈ જઈ આ ગામડાઓને પણ સત્સંગના રંગે રંગી ગોકુળ બનાવ્યુ છે. સ્વામિનારાયણ સંપ્રદાયના ચોથા આધ્યાત્મિક વારસદાર યોગીજી મહારાજના નામે વધુ એક ગામનું નામ રાખવામાં આવ્યુ છે. બોડેલી તાલુકાના બાંડી ગામને હવેથી યોગીનગર તરીકે લોકો ઓળખશે.

જેનું નામકરણ હાલમાં જ કરવામાં આવ્યુ હતું. વાસી ઉત્તરાયણ એટલે કે 15 જાન્યુઆરીના રોજ બોડેલી તાલુકાના બાંડી ગામનું નામકરણ યોગીનગર કરવામાં આવ્યું. જેના નામકરણ પ્રસંગે મુખ્ય મહેમાન તરીકે સંસ્થાના હરિભક્ત અને ઓએનજીસીમાં ફરજ બજાવતા અમદાવાદના ગોપાલભાઈ સુથાર ઉપસ્થિત રહ્યા હતા.

(ગામ સરપંચ નંદલાલ સાથે ગોપાલભાઈ સુથાર)

બોડેલી સ્થિત બીએપીએસ મંદિરના સંતોના માર્ગદર્શન દ્વારા બાંડી ગામ હવે યોગીનગર તરીકે ઓળખાતુ થયુ છે. બાંડી ગામના સ્થાનિક રહેવાસી નગીનભાઈ રાઠવા જે પોતે એસઆરપી વિભાગમાં ફરજ બજાવે છે તેઓ પોતે પણ આ નામકરણ પ્રસંગે ઉપસ્થિત રહ્યા હતા.

આ ઉપરાંત ત્રણ ગામના ભિંડોલ, ધરોલીયા અને બાંડી (યોગીનગર) ગામના સરપંચ નંદલાલભાઈ હિમ્મતભાઈ કોળી સહિતના ગામના આગેવાનો પણ હાજર રહ્યા હતા. શાસ્ત્રોક્ત વિધિ, સ્વામિનારાયણ ધૂન બોલાવી ઠાકોરજીની મૂર્તિ સાથે રાખી ગામનું નામકરણ કરવામાં આવ્યુ હતું. 1 હજારની વસ્તી ધરાવતું આ ગામમાં હાલ મોટાભાગના લોકો નિર્વ્યસની છે.  મહત્વનું છે કે, સ્વામિનારાયણ સંપ્રદાયના છઠ્ઠા વારસદાર એવા બ્રહ્મલીન પ્રમુખસ્વામી મહારાજે બોડેલી તાલુકાના આદિવાસી વિસ્તારમાં વિચરણ કરીને હજારો આદિવાસી લોકોને વ્યસન મુક્ત કરી નિર્વ્યસ્ની બનાવ્યા તેમજ માંસાહાર કરતા લોકોને શાકાહારી બનાવી ભગવાનના માર્ગે વાળ્યા હતા.

જ્યારે સમગ્ર વિશ્વ કોરોનાની ઝપેટમાં આવ્યુ છે..ત્યારે ભારતમાં પણ કોરોનાના સંક્રમણના કેસો સતત વધી રહ્યા છે. ગુજરાતમાં પણ કોરોનાના કેસોનો આંકડો 2200 ઉપર પહોંચી ગયો છે. લોકોમાં એક પ્રકારે ડરનો માહોલ પણ જોવા મળી રહ્યો છે. ત્યારે ગુજરાતની બે વર્ષની બાળકીએ કોરોનાને હરાવીને એ સાબિત કર્યું છે કે આ વાયરસને હરાવવો મુશ્કેલ નથી.

છોટાઉદેપુર જિલ્લાના બોડેલી શહેરની 2 વર્ષની આયશાનો થોડા દિવસ અગાઉ કોરોનાનો રીપોર્ટ પોઝિટિવ આવ્યો હતો. જેને લઈ તેને વડોદરાની ગોત્રી મેડિકલ હોસ્પિટલમાં દાખલ કરવામાં આવી હતી. ત્યારે હાલમાં તેનો રિપોર્ટ નેગેટીવ આવતા 2 વર્ષની આયેશાને હોસ્પિટલમાંથી રજા આપવામાં આવી છે.

ગુજરાતની અત્યાર સુધીની સૌથી નાની ઉંમરની બાળકી આયેશા આજે કોરોના મુક્ત થઇ છે..આયેશાના દાદા અને અન્ય પરિવારના સભ્યોનો કોરોના રિપોર્ટ પોઝિટિવ આવ્યા બાદ આયેશામાં પણ કોરોનાના લક્ષણો જોવા મળ્યા હતા.

ત્યારબાદ તેને નિર્ધારિત પ્રોટોકોલ અનુસરીને સારવાર આપવામાં આવી હતી. ત્યારે આખરે તેના રીપોર્ટ નેગેટીવ આવતા તેને હોસ્પિટલમાંથી રજા આપવામાં આવી છે.  આયેશાને  હોસ્પિટલમાંથી રજા મળતા હોસ્પિટલના તબીબો તેમજ સ્ટાફે પણ પણ આનંદની લાગણી અનુભવી હતી..