મહેસાણા, પાટણ અને બનાસકાંઠા જિલ્લાને આવરી લેતા સંયુક્ત રાજ્ય વેરા કમિશ્નર કચેરી મહેસાણા વિભાગ 4 વિસ્તારમાં આવતા પેટ્રોલ, ડીઝલના ડિલર્સોએ ગ્રાહકો પાસેથી પેટ્રોલ, ડીઝલમાં મેળવેલ સરકારી દર મુજબનો વેલ્યુ એડેડ ટેક્ષનું ચલણ દર મહિના પછીના 12 દિવસમાં કચેરીએ દર્શાવવાનું હોય છે તેમજ તેના રિટર્ન પત્રકો એક મહિનામાં ભરવાના હોય છે.આમ છતાં પેટ્રોલ,ડિઝલના વેટ ચલણ ભરવામાં મોટાભાગે ડિલર્સો ઉદાસીન રહ્યા છે.મે મહિનાના વેટ ચલણો કુલ 694 ડિલર્સો પૈકી માત્ર 111 ડીલર્સે 12 જૂન સુધીમાં ભર્યા છે, જ્યારે 583 જેટલા ડિલર્સ સમયસર વેટ ચલણ ભરવામાં ઉદાસીન રહેતા વેટ ચલણ મામલે આ ડીલર્સો તંત્રના ડિફોલ્ટરની સૂચીમાં આવતા હવે વિલબિંત એક્સાઇઝ(વેટ) ડ્યુટીમાં આ ડીલર્સો પાસેથી 18 ટકા વ્યાજ સાથે વસુલાત માટે નોટિસ આપવાની તજવીજ કરાઇ છે.

સંયુક્ત રાજ્ય વેરા કમિશ્નર કચેરી મહેસાણા વિભાગ 4 ના સૂત્રોએ કહ્યુ કે, હાલ પેટ્રોલમાં લીટરે રૂ. 13. 70 અને ડીઝલમાં રૂ. 14. 9 એક્સાઇઝ ડ્યુટી લાગુ છે.જેમાં દર મહિને જીએસટી(વેટ) કચેરી મારફતે પેટ્રોલ, ડિઝલ ઉપર એક્સાઇઝ ડ્યુટીમાં સરકારી તિજોરીમાં મહેસાણા વિભાગ 4 વિસ્તારમાંથી રૂ. 10 કરોડની આવક થાય છે.અગાઉ પેટ્રોલ,ડીઝલમાં એક્સાઇઝ ડ્યુટની રૂ. 12 કરોડ આવક થતી હતી,જે ડ્યુટી ઘટાડા પછી બે કરોડ આવક ઓછી થઇ છે.જેમાં પેટ્રોલ, ડીઝલની એક્સાઇઝ ડ્યુટી સાથે ભાવ પ્રમાણે ગ્રાહકોથી ડીલરો મેળવે તે પૈકી એક્સાઇઝ ડ્યુટી રકમના ચલણો મહીના પછી 12 દિવસમાં ભરવાના હોય છે.સમયસર વેટ ચલણ તેમજ રીટર્ન ભરવા માટે તાજેતરમાં જીએસટીના અધિકારીઓ દ્વારા ડીસા ખાતે ડીસા અને પાટણના પેટ્રોલ પંપ ડીલર્સો સાથે બેઠક યોજીની માર્ગદર્શન આપવામાં આવ્યુ હતું.

વિજાપુર સ્વચ્છ સર્વેક્ષણ 2022 હેઠળ ચોમાસાની ઋતુને ધ્યાને રાખી નગરપાલિકાના આરોગ્ય સ્ટાફ દ્વારા ખત્રી કુવાના ચક્કર સ્ટેશન રોડ સહિત વિવિધ વિસ્તારમાં ખાણીપીણીની લારીઓ તેમજ દુકાનો પર ચેકિંગ હાથ ધરી કાર્યવાહી કરી હતી. આ કાર્યવાહી હેઠળ વાસી ખોરાકનો નાશ કરાયો હતો. તેમજ વેપાર કરતા લોકો સેફ્ટી હાથ મોજા, સેફટી ટોપી પહેરે છે કે નહીં તેની પણ તપાસ કરાઇ હતી.આ ચેકિંગમાં પાંચ જેટલા લારી ધારકોને નિયમોનું પાલન ન કરવા બદલ રૂપિયા 500નો દંડ ફટકારી કાર્યવાહી કરાઈ હતી.

જ્યારે વિજાપુર ઓફિસર જયેશ પટેલના જણાવ્યા અનુસાર તમામ વેપારીઓ પોતાના વેપાર-ધંધા પર સ્વચ્છતા રાખવી, ધંધાની આજુબાજુની જગ્યા ચોખ્ખી રાખી, સ્વચ્છતા જાળવી નિયમોનું પાલન કરે નહીં તો હજુ પણ પાલિકા દ્વારા કડક દંડનીય કાર્યવાહી કરવામાં આવશે.બીજી બાજુ ખાણી-પીણીના વેપારીઓને પુછતા તેઓએ જણાવ્યું કે, વિજાપુરમાં કોઈપણ દુકાનમાં સેફ્ટી કેપ, હાથના મોજા મળતા નથી તેથી અમે આ નિયમ પાળી શકતા નથી.

મહેસાણા પાલિકાએ કરોડો રૂપિયા ખર્ચ કરી બિલાડી બાગ સામે અટલ સ્પોર્ટ્સ સેન્ટરનો વહીવટ ખુબજ નોર્મલ ચાર્જમાં ખાનગી એજન્સીને સોંપવામાં આવ્યા બાદ એજન્સીએ સ્વિમિંગ માટે આવતા સભ્ય પાસે ફી અને અન્ય સર્વિસ ચાર્જન ગેરકાયદે ઉઘરાણા કરતા વિપક્ષ નેતા કમલેશ સુતરિયાએ પ્રાદેશિક કમિશ્નરને ફરિયાદ કરી હતી. જેના પગલે પ્રાદેશિક કમિશ્નર દ્વારા ચીફ ઓફિસરને તપાસના આદેશ કર્યા છે.

પ્રાદેશિક કમિશ્નર કચેરીના અધિક કલેક્ટર એમ.એસ. ગઢવીએ ચીફ ઓફિસરને પાઠવેલ પત્રમાં જણાવ્યું છે કે, ગત 17 મેંના રોજ કમલેશ સુતરિયાએ અટલ સપોર્ટ સેન્ટરમાં સ્વિમિંગ ફીમાં થતા સર્વિસ ચાર્જન નામે એજન્સી દ્વારા ગેરકાયદેસર ફી ઉઘરાવતા હોવાથી ફરિયાદ કરી હતી. જેની યોગ્ય તપાસ કરી અરજદારને જવાબ આપવા તાકીદ કરી છે.