સેફ્રોન અથવા કેસર એ એન્ટીઑકિસડન્ટો અને કેરોટીનોઇડ્સનો ખુબ જ રિચ સોર્સ છે. તેમાં કુદરતી કેરોટીનોઇડ્સ, ક્રોસિન, ક્રોસેટિન, પિક્રોક્રોસિન અને ફ્લેવોનોઇડ્સ પણ ભરપૂર માત્રામાં જોવા મળે છે. ઉલ્લેખનીય છે કે, કેસરમાં એન્ટી-કાર્સિનોજેનિક, રોગપ્રતિકારક મોડ્યુલેટિંગ અને ન્યુરોના રક્ષણાત્મક ગુણધર્મો છે. સારી દૃષ્ટિ માટે કેસર ઘણું અસરકારક સાબિત થાય છે. તે રેટિના કોષોને અસરકારક રીતે સુરક્ષિત કરવામાં મદદ કરે છે. સારી દૃષ્ટિ માટે 20 મિલિગ્રામ કેસરની ગોળીઓની દૈનિક સપ્લિમેંટનો ઉપયોગ કરવાથી ઘણો ફાયદો થાય છે. આ ઉપરાંત ઉકળતા પાણીના એક કપમાં 8-10 તાજા કાર્બનિક કેસરના સેર ઉમેરીને પિવાથી આંખની તંદુરસ્તીને સારી રાખવામાં ઘણી મદદ મળે છે. આ ઉપરાંત રોજ ખાવામાં લેવાતા પોતાના મનપસંદ સલાડમાં 20 મિલિગ્રામ કેસર પાવડર અથવા કેસરના 10 તાર ઉમેરી લેવામાં આવે તો તે સ્વાસ્થ્ય માટે ઘણું ફાયદાકારક સાબિત થઇ શકે છે. આ ઉપરાંત 20 મિલિગ્રામ કાર્બનિક કેસર અથવા કેસર પાવડરને બે ચમચી મધમાં ભેળવીને પીવામાં આવે તો દ્રષ્ટિ સંબંધિત સમસ્યાઓને દુર કરી શકાય છે.
