રાજ્યમાં દારૂબંધી હોવા છતાં અનેક જગ્યાએ દેશી દારૂ બનાવવામાં આવી રહ્યો છે. જેના સમાચાર અવારનવાર આપણે અખબારોમાં વાંચતા જ હોઈએ છીએ. ત્યારે છોટા ઉદેપુર જીલ્લાના સંખેડા તાલુકાના કલેડિયાગામની એક ઘટના પ્રકાશમાં આવી છે જ્યાં દેશી દારૂની ભઠ્ઠીઓ ધમધમી રહી છે.
પ્રાપ્ત અહેવાલ મુજબ, છોટાઉદેપુર જીલ્લાના સંખેડા તાલુકામા કલેડીયા ગામે દેશી દારૂની ભઠ્ઠીઓ ધમધમી રહી છે. અહીંના સ્થાનિક લોકોનો આક્ષેપ છે કે આ સમગ્ર વ્યાપાર પોલીસની રહેમ નજર હેઠળ ચાલી રહ્યો છે.એક તરફ સરકાર વ્યસન મુક્તિના અભિયાનો ચલાવે છે ત્યારે બીજી તરફ ગાંધીના ગુજરાતમા બિન્દાસ્ત દારૂનું વેચાણ અને ઉત્પાદન થઇ રહ્યું છે. છોટાઉદેપુર જિલ્લા પોલીસ વડા દ્વારા જિલ્લામા ઈંગ્લીશ તેમજ દેશીદારૂને લઈને કડક અમલના આદેશો આપી દીધા છે પરંતુ સંખેડા પોલીસના રાજમા હાલમા દેશીદારૂના ભઠ્ઠીઓ ધમધમી રહી છે શુ પોલીસ કોઈ લઠ્ઠાકાંડ જેવી ઘટના બનવાની રાહ જોઈ રહી છે? જિલ્લા પોલીસ વડા આ બાબતને ગંભીરતાથી લઈને જવાબદાર સામે કાર્યવાહી કરે તેવી માંગ લોકો દ્વારા ઉઠી રહી છે.