રાજ્યમાં અકસ્માતોના બનાવો સતત વધી રહ્યા છે. મોડીરાત્રે લીંબડી-અમદાવાદ હાઇવે પર કાર અને ટ્રક વચ્ચે ભંયકર અકસ્માત સર્જાયો હતો જેમાં કાર ઉપર ટ્રક પડતા કારનો ભુક્કો બોલી ગયો હતો.
મળતી વિગત મુજબ ટમેટા ભરેલો ટ્રક લીંબડી-અમદાવાદ હાઇવે પરથી પસાર થઇ રહ્યો હતો દરમિયાન સામેથી આવી રહેલી એક કાર સાથે અથડાઈ પલ્ટી મારી જતા મોટો અકસ્માત સર્જાયો હતો. ઉલ્લેખનીય છે કે આ દુર્ઘટનામાં કારનો લગભગ ભુક્કો બોલી ગયો હતો. આ અકસ્માતમાં એક વ્યક્તિને ગંભીર ઈજાઓ પહોંચતા તેને સારવાર અર્થે હોસ્પિટલમાં ખસેડવામાં આવ્યો હતો. રોડની બંને બાજુએ લાંબી વાહનોની કતારો લાગી હતી અને ટ્રાફિક જામના દ્રશ્યો સર્જાયા હતા. આ ઘટનાની જાણ થતા પોલીસ તુરત દોડી આવી હતી અને ટ્રાફિક ક્લિયર કરાવ્યો હતો તેમજ વધુ તપાસ હાથ ધરી હતી.
લીંબડી-અમદાવાદ હાઇવે પર અકસ્માત
